ബെംഗളൂരു എഫ്സിയുടെ 26 കാരനായ അറ്റാക്കിംഗ് താരം ഉദാന്ത സിംഗ് എഫ് സി ഗോവയിൽ കരാർ ഒപ്പുവെച്ചു. അടുത്ത സീസൺ മുതൽ താരം ഇനി ഗോവക്ക് വേണ്ടിയാകും കളിക്കുക. ഉദാന്ത അവസാന ഒമ്പത് സീസണുകളായി ബെംഗളൂരു എഫ്സിക്കൊപ്പമുണ്ടായിരുന്നു. ഈ സീസണിൽ ഐ എസ് എല്ലിലും സൂപ്പർ കപ്പിലും ഉദാന്ത കളിച്ചിരുന്നു. രണ്ട് അസിസ്റ്റുകൾ സംഭാവന നൽകി എങ്കിലും പകരക്കാരനായാണ് അദ്ദേഹത്തെ ബെംഗളൂരു കൂടുത ഉപയോഗിച്ചത്
2014ൽ ആയിരുന്നു ഉദാന്ത ബെംഗളൂരു എഫ്സിയിൽ ചേർന്നത്. ബെംഗളൂരുവിനായി 107 ഐ എസ് എൽ മത്സരങ്ങൾ കളിച്ചിട്ടുള്ള ഉദാന്ത 11 ഗോളും 15 അസിസ്റ്റും ക്ലബിനായി സംഭവാന ചെയ്തിട്ടുണ്ട്. ദേശീയ ടീമിനായി 39 മത്സരങ്ങൾ കളിച്ചിട്ടുള്ള അദ്ദേഹം 2018 ലെ ഇന്റർകോണ്ടിനെന്റൽ കപ്പിൽ ഒരു ഗോളും നേടിയിട്ടുണ്ട്.