ഇന്ത്യൻ സൂപ്പർ ലീഗിൽ (ഐഎസ്എൽ) ഇന്ന് ദക്ഷിണേന്ത്യൻ ഡർബിയിൽ ബെംഗളൂരു എഫ്സിയും കേരള ബ്ലാസ്റ്റേഴ്സ് എഫ്സിയും തമ്മിൽ ഏറ്റുമുട്ടും. തങ്ങളുടെ 200-ാം ഐഎസ്എൽ മത്സരം കളിക്കുന്ന സന്ദർശകരെ സംബന്ധിച്ചിടത്തോളം ഈ മത്സരം ഒരു സുപ്രധാന നാഴികക്കല്ലാണ്.
നിലവിൽ 20 പോയിൻ്റുമായി സ്റ്റാൻഡിംഗിൽ രണ്ടാം സ്ഥാനത്തുള്ള ബെംഗളൂരു എഫ്സി, ഈ സീസണിൽ ഹോം ഗ്രൗണ്ടിൽ അഞ്ച് മത്സരങ്ങളിൽ നിന്ന് 13 പോയിൻ്റ് നേടി. മറുവശത്ത് കേരള ബ്ലാസ്റ്റേഴ്സ് 11 പോയിൻ്റുമായി 10-ാം സ്ഥാനത്താണ്.
ഹോം ഗ്രൗണ്ടിലെ അഞ്ച് വിജയങ്ങൾ ഉൾപ്പെടെ ബ്ലാസ്റ്റേഴ്സിനെതിരെ 16 ഏറ്റുമുട്ടലുകളിൽ 10 എണ്ണവും ജയിച്ച ബെംഗളൂരു എഫ്സിക്ക് ഹെഡ് ടു ഹെഡിൽ മുൻതൂക്കമുണ്ട്. ഇന്ന് രാത്രി 7.30ന് നടക്കുന്ന മത്സരം തത്സമയം സ്റ്റാർ സ്പോർട്സിലും ഹോട് സ്റ്റാറിലും കാണാം.