ലിസ്റ്റൺ കൊളാസോ മോഹൻ ബഗാനിൽ ദീർഘകാല കരാർ ഒപ്പുവെക്കും

Img 20220521 190652

മോഹൻ ബഗാനു വേണ്ടി ഗംഭീര പ്രകടനം നടത്തുന്ന ലിസ്റ്റൺ കൊളാസോയ്ക്ക് ക്ലബിൽ പുതിയ വലിയ കരാർ നൽകാൻ ഒരുങ്ങുകയാണ് ബഗാൻ. അടുത്ത സീസൺ അവസാനം വരെയുള്ള കരാർ ഇപ്പോൾ ലിസ്റ്റണുണ്ട്. ഈ കരാറ്റ് പുതുക്കി വേതനം കൂട്ടി നൽകി അഞ്ചു വർഷത്തെ കരാർ നൽകാൻ ആണ് മോഹൻ ബഗാൻ പദ്ധതിയിടുന്നത്. ലിസ്റ്റൺ ഇന്ത്യയുടെ ഭാവി ആയി കണക്കാക്കപ്പെടുന്ന താരമാണ്. ലിസ്റ്റണെ വേറെ ആരും സ്വന്തമാക്കാതിരിക്കാൻ കൂടിയാണ് ഇത്ര വലിയ ഓഫർ മോഹൻ ബഗാൻ നൽകുന്നത്.

Img 20211119 211951
Credit: Twitter

കഴിഞ്ഞ സീസണിൽ ഹൈദരബാദിൽ നിന്നായിരുന്നു ലിസ്റ്റൺ എ ടി കെയിൽ എത്തിയത്. ഐ എസ് എല്ലിൽ കഴിഞ്ഞ സീസണിൽ എട്ട് ഗോളുകൾ നേടിയ ലിസ്റ്റൺ എ എഫ് സി കപ്പ് ഗ്രൂപ്പ് ഘട്ടത്തിൽ ഹാട്രിക്ക് അടക്കം നാലു ഗോളുകൾ നേടിയിരുന്നു.

ഇപ്പോൾ ഇന്ത്യൻ ദേശീയ ടീമിലെയും താരമാണ്. എഫ് സി ഗോവയിലൂടെ ആയിരുന്നു ആദ്യം ലിസ്റ്റൺ ദേശീയ ഫുട്ബോളിൽ എത്തുന്നത്.

Previous articleഇന്ത്യൻ ഫുട്ബോളിന്റെ അടുത്ത സീസൺ ഓഗസ്റ്റിൽ ആരംഭിക്കും, ഡ്യൂറണ്ട് കപ്പും ഐ എസ് എല്ലും സൂപ്പർ കപ്പും..
Next articleയൂറോപ്പിൽ തന്നെ തുടരാനാണ് തനിക്ക് ആഗ്രഹം എന്ന് സുവാരസ്