നോർത്ത് ഈസ്റ്റിനെ നിലംപരിശാക്കി എടികെ മോഹൻബഗാൻ

ഇന്ത്യൻ സൂപ്പർ ലീഗിൽ ജയവുമായി എടികെ മോഹൻ ബഗാൻ. ഒന്നിനെതിരെ രണ്ട് ഗോളുകൾക്കാണ് നോർത്ത് നോർത്ത് ഈസ്റ്റ് യുണൈറ്റെഡിനെ മോഹൻ ബഗാൻ പരാജയപ്പെടുത്തിയത്. മോഹൻബഗാന് വേണ്ടി ലിസ്റ്റണും സുഭാശിഷ് ബോസും ഗോളടിച്ചപ്പോൾ നോർത്ത് ഈസ്റ്റിന് വേണ്ടി അരോൺ ഇവാൻസ് ഇന്ത്യൻ സൂപ്പർ ലീഗിൽ ആദ്യ ഗോൾ നേടി. ഇന്ത്യൻ സൂപ്പർ ലീഗിൽ 50മത്സരത്തിൽ ജയം നേടാൻ മറൈനേഴ്സിനായി.

Img 20221110 214613

കളിയുടെ തുടക്കത്തിൽ തന്നെ അക്രമിച്ച് കളിക്കാൻ നോർത്ത് ഈസ്റ്റ് യുണൈറ്റെഡിനായി. വൈകാതെ ബഗാൻ ഗോൾ വലകുലുക്കിയെങ്കിലും ദിമിട്രി പെട്രാറ്റോസ് ഓഫ് സൈടായിരുന്നു. പിന്നീട് 35ആം മിനുട്ടിലാണ് ലിസ്റ്റണിന്റെ ഗോൾ പിറക്കുന്നത്. രണ്ടാം പകുതി അവസാനിക്കാനിരിക്കെ ഒരു ഡൈവിംഗ് ഹെഡ്ഡറുമായി ആരോൺ എവാൻസ് ഗോളടിക്കുന്നത്. നോർത്ത് ഈസ്റ്റ് യുണൈറ്റെഡ് വിലയേറിയ ഒരു പോയന്റ് സ്വന്തമാക്കി എന്ന് കരുതിയിരിക്കെയാണ് ശുഭാഷിഷ് ബോസിന്റെ വെടിക്കെട്ട് ഹെഡ്ഡർ പിറക്കുന്നത്. ഈ ജയം എടികെ മോഹൻ ബഗാനെ 10പോയന്റുമായി ഐഎസ്എൽ ടേബിളിൽ രണ്ടാം സ്ഥാനത്ത് എത്തിച്ചു.