യുവതാരം അമർജിത് സിംഗ് എഫ് സി ഗോവ വിടും. താരത്തെ ഐ എസ് എല്ലിലേക്ക് പുതുതായി എത്തുന്ന പഞ്ചാബ് എഫ് സി സ്വന്തമാക്കും എന്നാണ് റിപ്പോർട്ടുകൾ. താരം ഉടൻ പഞ്ചാബിൽ കരാർ ഒപ്പുവെക്കും. മുമ്പ് അണ്ടർ 17 ലോകകപ്പിൽ ഇന്ത്യൻ ക്യാപ്റ്റനായിരുന്നു അമർജിത് സിംഗ്. അവസാന രണ്ട് സീസണിലും ലോണിൽ ഈസ്റ്റ് ബംഗാളിൽ ആണ് അമർജിത് കളിച്ചത്.
മുമ്പ് ജംഷദ്പൂരിനൊപ്പവും ഐ എസ് എല്ലിൽ കളിച്ചിട്ടുണ്ട്. ഇന്ത്യൻ ആരോസിനൊപ്പം ഐ ലീഗിൽ ആയിരുന്നു അമർജിത് സീനിയർ കരിയർ അരംഭിച്ചത്. ജംഷദ്പൂരിനിപ്പം 15 മത്സരങ്ങൾ അമർജിത് ഐ എസ് എല്ലിൽ കളിച്ചിരുന്നു. എന്നാൽ ഗോവയിൽ എത്തിയ ശേഷം താരത്തിന് അവസരങ്ങൾ കുറയുകയായിരുന്നു. 2019ൽ ഇന്ത്യൻ സീനിയർ ടീമിനായി അരങ്ങേറ്റം നടത്തിയിട്ടുള്ള അമർജിത് 5 മത്സരങ്ങൾ ദേശീയ ജേഴ്സിയിൽ കളിച്ചിട്ടുണ്ട്.