വാസ്കസ് ഇനി ടീമിനൊപ്പം ഇല്ല എന്ന് പ്രഖ്യാപിച്ച് കേരള ബ്ലാസ്റ്റേഴ്സ്

Alvaro Blasters

കഴിഞ്ഞ സീസണിൽ കേരള ബ്ലാസ്റ്റേഴ്സിനായി ഗംഭീര പ്രകടനം കാഴ്ചവെച്ച ആൽവാരോ വാസ്കസ് ക്ലബിനൊപ്പം തുടരില്ല. വാസ്കസ് ക്ലബ് വിടുകയാണെന്ന് ഇന്ന് കേരള ബ്ലാസ്റ്റേഴ്സ് ഔദ്യോഗികമായി അറിയിച്ചു. താരത്തിന്റെ സംഭാവനയ്ക്ക് സാമൂഹിക മാധ്യമങ്ങളിലൂടെ ക്ലബ് നന്ദി അറിയിച്ചു.

വാസ്കസ് എഫ് സി ഗോവയിലേക്ക് ആകും പോവുക. ഗോവയിൽ രണ്ട് വർഷത്തെ കരാർ താരം ഒപ്പുവെക്കും. കേരള ബ്ലാസ്റ്റേഴ്സും വാസ്കസുമായി ചർച്ചകൾ നടത്തി എങ്കിലും ഫലം കണ്ടിരുന്നില്ല. ഈ കഴിഞ്ഞ സീസണിൽ കേരള ബ്ലാസ്റ്റേഴ്സിനായി 8 ഗോളുകളും രണ്ട് അസിസ്റ്റും വാസ്കസ് നേടിയിരുന്നു.