ബെംഗളൂരു എഫ് സിക്ക് എതിരെ ഗംഭീര പ്രകടനം നടത്തിയ മുഹമ്മദ് അയ്മനെ പ്രശംസിച്ച് കേരള ബ്ലാസ്റ്റേഴ്സ് സഹ പരിശീലകൻ ഫ്രാങ്ക് ദോവൻ. അയ്മന്റെ കേരള ബ്ലാസ്റ്റേഴ്സിന്റെ ഐ എസ് എല്ലിലെ ആദ്യ സ്റ്റാർട് ആയിരുന്നു ഇത്. ആദ്യ മത്സരത്തിൽ തന്നെ ഇത്ര നല്ല പ്രകടനം കാഴ്ചവെക്കാൻ അയ്മന് ആയി. ഇത് അയ്മന് ഈ ക്ലബിൽ വലിയ ഭാവി ഉണ്ട് എന്ന് കാണിച്ചു തരുന്ന പ്രകടനമായിരുന്നു. ദോവൻ പറഞ്ഞു.
കേരള ബ്ലാസ്റ്റേഴ്സ് സീനിയർ ടീമിനൊപ്പം കഴിഞ്ഞ സീസൺ മുതൽ അയ്മൻ പരിശീലനം നടത്തുന്നുണ്ട്. അന്ന് മുതൽ അദ്ദേഹം തന്റെ കഴിവുകൾ തെളിയിക്കുന്നുണ്ട്. കോച്ച് പറഞ്ഞു. ഇന്ന് ഒരു മികവുള്ള പ്രകടനമാണ് അയ്മൻ കാഴ്ചവെച്ചത്. അയ്മൻ എല്ലാം തികഞ്ഞ വിങ്ങർ ആണ്. അവന് വൈഡ് പൊസിഷനിൽ നന്നായി കളിക്കാൻ ആകും. അവൻ 1 v 1ൽ നല്ല മികവ് കാണിക്കുന്നുണ്ട്. കോച്ച് പറയുന്നു.
ബെംഗളൂരു എഫ് സിക്ക് എതിരെ കളം നിറഞ്ഞു കളിക്കാൻ ലക്ഷദ്വീപ് സ്വദേശിയായ അയ്മന് അയ്യുരുന്നു. ബ്ലാസ്റ്റേഴ്സിന്റെ അക്കാദമിയിലൂടെ വളർന്നു വന്ന താരമാണ് അയ്മൻ. അയ്മന്റെ സഹോദരൻ അസ്ഹറും ബ്ലാസ്റ്റേഴ്സ് സ്ക്വാഡിൽ ഉണ്ടായിരുന്നു.