ഗോവൻ സ്വദേശിയായ ആദിൽ ഖാൻ ഇനി ഈസ്റ്റ് ബംഗാളിൽ കളിക്കും. കൊൽക്കത്തൻ ക്ലബായ ഈസ്റ്റ് ബംഗാൾ ആണ് ആദിലിനെ സൈൻ ചെയ്തിരിക്കുന്നത്. ഹൈദരബാദ് എഫ് സിയിൽ ആയിരുന്നു താരം കളിച്ചു കൊണ്ടിരുന്നത്. അവിടെ അവസരങ്ങൾ കുറഞ്ഞതാണ് ഈ മാറ്റത്തിന് കാരണം. ഒരു സീസൺ നീണ്ട ലോണിൽ ആകും താരം ഈസ്റ്റ് ബംഗാളിൽ കളിക്കുന്നത്.
2017 മുതൽ പൂനെ സിറ്റിയുടെയും അതിനു ശേഷം ഹൈദരബാദ് എഫ് സിയുടെയും ഡിഫൻസിലും മധ്യനരയിലും ഒക്കെ ആയി ആദിൽ തിളങ്ങിയിരുന്നു. ഐ എസ് എല്ലിൽ മുമ്പ് ഡെൽഹി ഡൈനാമോസിനു വേണ്ടിയും കളിച്ചിട്ടുണ്ട്.
