മൂന്ന് ബഗാൻ താരങ്ങളെ കേരള ബ്ലാസ്റ്റേഴ്സ് സൈൻ ചെയ്യണം എന്ന് പുതിയ പരിശീലകൻ

- Advertisement -

കേരള ബ്ലാസ്റ്റേഴ്സിന്റെ പരിശീലകനായി എത്താൻ മോഹൻ ബഗാന്റെ പരിശീലകനായിരുന്ന കിബു വികൂന ഒരുങ്ങുകയാണ്. കേരള ബ്ലാസ്റ്റേഴ്സ് മൂന്ന് മോഹൻ ബഗാൻ താരങ്ങളെ സൈൻ ചെയ്യണം എന്ന് ആവശ്യപ്പെട്ടിരിക്കുകയാണ് കിബു വികൂന എന്നാണ് റിപ്പോർട്ടുകൾ. മോഹൻ ബഗാനെ ഐ ലീഗ് കിരീടത്തിലേക്കെത്തിച്ച മൂന്ന് വിദേശ താരങ്ങളെ ടീമിൽ എത്തിക്കണം എന്നാണ് വികൂനയുടെ ആവശ്യം.

ബഗാന്റെ താരങ്ങളായ‌ ബാബ ദിവാര, ജൊസേബ ബെറ്റിയ, ഫ്രാൻ ഗോൺസാലസ് എന്നിവരെയാകും കേരള ബ്ലാസ്റ്റേഴ്സ് ഐൻ ചെയ്യാൻ ശ്രമിക്കുക. ഐ ലീഗിൽ ഈ സീസണിൽ 10 ഗോളുകൾ അടിച്ച താരമാണ് ബാബ. 9 അസിസ്റ്റും മൂന്ന് ഗോളും സംഭാവന ചെയ്ത സീസണായിരുന്നു ജൊസേബ ബെറ്റിയയ്ക്ക് ഇത്തവണത്തെ ഐലീഗ്. ഫ്രാൻസ് ഗോൺസാലസ് 10 ഗോളും ഒപ്പം ഒരു അസിസ്റ്റും നൽകിയിട്ടുണ്ട്.

എന്നാൽ ഈ മൂന്ന് താരങ്ങളെയും സൈൻ ചെയ്യാൻ കേരള ബ്ലാസ്റ്റേഴ്സ് തയ്യാറാകും എന്ന് തോന്നുന്നില്ല. ഇതിനകം തന്നെ ഒഗ്ബെചെയും സിഡോഞ്ചയും കേരള ബ്ലാസ്റ്റേഴ്സിൽ അടുത്ത സീസണിലും ഉണ്ടാകും എന്ന് ഉറപ്പായിട്ടുണ്ട്.

Advertisement