ഹസാർഡ് സഹോദരന്മാർ ബെൽജിയൻ ടീമിൽ നിന്ന് പുറത്ത്

REUTERS/Yiannis Kourtoglou

സാൻ മാറിനോക്കെതിരെയും സ്കോട്ലൻഡിനെതിരെയുമുള്ള ബെൽജിയത്തിന്റെ യൂറോ യോഗ്യത മത്സരങ്ങളിൽ നിന്ന് ഹസാർഡ് സഹോദരന്മാർ പുറത്ത്. പരിക്കാണ് ഇരു താരങ്ങൾക്കും തിരിച്ചടിയായത്. ചെൽസിയിൽ നിന്ന് റെക്കോർഡ് തുകക്ക് റയൽ മാഡ്രിഡിൽ എത്തിയ ഏദൻ ഹസാർഡിന് റയൽ മാഡ്രിഡിന് വേണ്ടി ഇതുവരെ ഔദ്യോഗിക മത്സരത്തിന് ഇറങ്ങാൻ പറ്റിയിരുന്നില്ല.

പരിക്കിന്റെ പിടിയിലാണെങ്കിലും താരത്തിനെ നേരത്തെ ബെൽജിയം പരിശീലകൻ റോബർട്ടോ മാർട്ടിനസ് ടീമിൽ ഉൾപ്പെടുത്തിയിരുന്നു.എന്നാൽ താരത്തിനെ ടീമിൽ റിസ്ക് എടുത്ത് ടീമിൽ കളിപ്പിക്കില്ലെന്ന് മാർട്ടിനസ് നേരത്തെ വ്യക്തമാക്കിയിരുന്നു.  നേരത്തെ റയൽ മാഡ്രിഡ് പരിശീലകൻ സിദാനും ഏദൻ ഹസാർഡ് ബെൽജിയത്തിന് വേണ്ടി കളിക്കില്ലെന്ന് പറഞ്ഞിരുന്നു. ഈ ട്രാൻസ്ഫർ വിൻഡോയിൽ ഡോർട്മുണ്ടിൽ എത്തിയ ത്രോഗൻ ഹസാർഡിന് കോളിനെതിരായ മത്സരത്തിനിടെയാണ് പരിക്കേറ്റത്. അന്ന് താരം മത്സരം പൂർത്തിയാക്കിയിരുന്നില്ല. ഇതോടെ താരം ആഴ്ചകളോളം പുറത്തിരിക്കുമെന്നാണ് കരുതപ്പെടുന്നത്.