ആഫ്രിക്കൻ രാജ്യമായ കാമറൂണിന്റെ ദേശീയ ടീമിനെ ഡച്ച് ഫുട്ബോൾ ഇതിഹാസം ക്ലാരൻസ് സീഡോർഫ് പരിശീലിപ്പിക്കും. ഡച്ചുകാരൻ തന്നെയായ പാട്രിക് ക്ലയ്വർട്ട് അദ്ദേഹത്തിന്റെ സഹ പരിശീലകനാകും.
2019 മാർച്ചിൽ കാമറൂണിൽ തന്നെ നടക്കുന്ന ആഫ്രിക്കൻ നേഷൻസ് കപ്പിനായി ടീമിനെ ഒരുക്കുക എന്നതാവും ഇരുവരുടെയും പ്രഥമ ജോലി. 42 കാരനായ സീഡോർഫ് ടിപോർട്ടിവോ ല കോരുണ, മിലാൻ, ചൈനീസ് ക്ലബ്ബ് ശൻസൻ എന്നിവരെയും പരിശീലിപിച്ചിട്ടുണ്ട്. മുൻ മിലാൻ, റയൽ മാഡ്രിഡ്, ഇന്റർ ടീമുകൾക്ക് വേണ്ടി കളിച്ച സീഡോർഫ് അക്കാലത്തെ ഏറ്റവും മികച്ച കളിക്കാരിൽ ഒരാളായിരുന്നു.
മുൻ ബാഴ്സ സ്ട്രൈക്കറായ ക്ളൈവർട്ട് 2014 ലോകകപ്പ് സെമിയിൽ എത്തിയ ഹോളണ്ട് ദേശീയ ടീമിൽ വാൻഗാലിന് കീഴിൽ സഹ പരിശീലകനായി പ്രവർത്തിച്ചിട്ടുണ്ട്.
കൂടുതൽ കായിക വാർത്തകൾക്ക് : www.facebook.com/FanportOfficial
