സ്പെയിൻ പോർച്ചുഗൽ പോരാട്ടം സമനിലയിൽ

20201008 071504
- Advertisement -

ഇന്റർ നാഷണൽ ബ്രേക്കിൽ ഏവരും പ്രതീക്ഷിച്ച് ഇരുന്ന വമ്പൻ പോരാട്ടമായിരുന്നു പോർച്ചുഗലും സ്പെയിനും തമ്മിൽ ഉള്ള മത്സരം. പക്ഷെ കാത്തിരിപ്പ് നിരാശ മാത്രമാണ് നൽകിയത്. ഇന്നലെ നടന്ന സൗഹൃദ മത്സരം ഗോൾ രഹിത സമനിലയിൽ അവസാനിച്ചു. കാര്യമായ അവസരങ്ങൾ സൃഷ്ടിക്കാൻ രണ്ട് ടീമുകൾക്കും ഇന്ന് ആയില്ല. ക്രിസ്റ്റ്യാനോ റൊണാൾഡോ ഒക്കെ 73 മിനുട്ടുകളോളം കളിച്ചു എങ്കിലും ഗോൾ നേടാൻ ആയില്ല.

മത്സരത്തിൽ മെച്ചപ്പെട്ട് നിന്നത് സ്പെയിൻ ആയിരുന്നു. അഞ്ചോളം ഷോട്ടുകൾ ടാർഗറ്റിലേക്ക് തൊടുക്കാൻ അവർക്കായി. മറുവശത്ത് പോർച്ചുഗലിന് ആകെ ഒരു ഷോട്ട് മാത്രമേ എടുക്കാൻ ആയുള്ളൂ. ബ്രൂണൊ ഫെർണാണ്ടസ് സ്പെയിനിനെതിരെ ബെഞ്ചിൽ ഉണ്ടായിരുന്നു എങ്കിലും ഇറങ്ങിയില്ല. സ്പെയിനിന്റെ ഗോൾ വല കാത്തത് ചെൽസിയുടെ ഗോൾ കീപ്പർ ആയിരുന്ന കെപ ആയിരുന്നു. അഡാമെ ട്രയോരെ, അൻസു ഫതി എന്നിവർ ഒക്കെ ഇന്ന് സ്പെയിനിനായി കളത്തിൽ ഇറങ്ങി.

Advertisement