ഇംഗ്ലണ്ട് ദേശീയ താരം ഗാരി കാഹിലും ഇംഗ്ലണ്ട് ദേശീയ ടീമിൽ നിന്ന് വിരമിച്ചു. ഡിഫൻഡറായ താരം ഇംഗ്ലണ്ട് പരിശീലകൻ സൗത്ത്ഗേറ്റുമായുള്ള ചർച്ചക്ക് ശേഷമാണ് വിരമിക്കൽ തീരുമാനം പ്രഖ്യാപിച്ചത്.
60 തവണ ഇംഗ്ലണ്ട് കുപ്പായം അണിഞ്ഞ കാഹിൽ ഹാരി കെയ്നിന് മുൻപ് ഇംഗ്ലണ്ട് ക്യാപ്റ്റനായിരുന്നു. ചെൽസി താരമായ കാഹിൽ 2010 ലാണ് ആദ്യമായി ഇംഗ്ലണ്ടിനായി കളിക്കുന്നത്. 32 വയസുകാരനായ താരം പക്ഷെ ഇപ്പോൾ ചെൽസിയിൽ സാറിയുടെ ടീമിൽ ഇടം ലഭിക്കാതെ ബെഞ്ചിലാണ്.
