ഇന്റർനാഷണൽ ചാമ്പ്യൻസ് കപ്പിൽ ടോട്ടൻഹാമിന് വിജയം. ഇന്ന് ഇറ്റാലിയൻ ക്ലബായ എ സി മിലാനെ നേരിട്ട ടോട്ടൻഹാം എതിരില്ലാത്ത ഒരു ഗോളിനാണ് വിജയിച്ചത്. പ്രമുഖരിൽ പലരും ഇല്ലാതെ തികച്ചും യുവനിരയായാണ് സ്പർസ് ഇന്ന് ഇറങ്ങിയത്. എന്നിട്ടും ജയം സ്വന്തമാക്കാൻ പോചട്ടീനോയ്ക്കും ടീമിനും ആയി. 47ആം മിനുട്ടിൽ ഫ്രഞ്ച് യുവതാരം കെവിൻ എങ്കുടു നേടിയ ഗോളാണ് സ്പർസിന്റെ ജയം ഉറപ്പിച്ചത്.
എ സി മിലാന്റെ പ്രീസീസണിലെ തുടർച്ചയായ രണ്ടാൻ തോൽവിയാണിത്. കഴിഞ്ഞ മത്സരത്തിൽ മാഞ്ചസ്റ്റർ യുണൈറ്റഡിനോട് പെനാൾട്ടി ഷൂട്ടൗട്ടിലും എ സി മിലാൻ പരാജയപ്പെട്ടിരുന്നു. ഓഗസ്റ്റ് അഞ്ചിന് ബാഴ്സലോണയുമായാണ് ഇനി മിലാന്റെ മത്സരം. നാലാം തീയതി സ്പാനിഷ് ക്ലബായ ജിറോണയെ ആണ് സ്പർസ് ഇനി നേരിടുക.
കൂടുതൽ കായിക വാർത്തകൾക്ക് : www.facebook.com/FanportOfficial
