ഇഞ്ച്വറി ടൈമിൽ ഗ്രൗണ്ടിന്റെ മധ്യത്തിൽ നിന്ന് ഹാരി കെയ്നിന്റെ ഗോൾ, യുവന്റസ് തോറ്റു!! ( വീഡിയോ)

ഹാരി കെയ്നിന്റെ ഒരു അത്ഭുത ഗോളിൽ ടോട്ടൻഹാം യുവന്റ്സിനെ പരാജയപ്പെടുത്തി. പ്രീസീസണിൽ ഇന്ന് നടന്ന മത്സരത്തിൽ യുവന്റസിനെ രണ്ടിനെതിരെ മൂന്നു ഗോളുകൾക്കാണ് തോൽപ്പിച്ചത്. കളിയുടെ ഇഞ്ച്വറി ടൈമിൽ ഗ്രൗണ്ടിന്റെ മധ്യത്തിൽ നിന്ന് കെയ്ൻ നേടിയ അത്ഭുത ഗോളാണ് ടോട്ടൻഹാമിനെ വിജയിപ്പിച്ചത്.

മത്സരത്തിൽ ഒരു ഘട്ടത്തിൽ 2-1ന് പിന്നിൽ നിന്ന ശേഷമായിരുന്നു ടോട്ടൻഹാമിന്റെ തിരിച്ചുവരവും വിജയവും. യുവന്റസ് പരിശീലകൻ സാരിയുടെ ആദ്യ മത്സരമായിരുന്നു ഇന്ന്. ഒപ്പം ഡി ലിറ്റിന്റെയും യുവന്റസ് അരങ്ങേറ്റം ഇന്ന് നടന്നു. ഇന്ന് മത്സരത്തിന്റെ 30ആം മിനുട്ടിൽ ലമേലയിലൂടെ ടോട്ടൻഹാം ആണ് മുന്നിൽ എത്തിയത്.

പിന്നീട് ഹിഗ്വയിനും റൊണാൾഡോയും നേടിയ ഗോളുകളിൽ യുവന്റസ് 2-1ന് മുന്നിൽ എത്തി. യുവന്റസ് ആധിപത്യം നേടുകയാണ് എന്ന് തോന്നിച്ചപ്പോൾ വീണ്ടും സ്പർസ് കളിയിലേക്ക് തിരികെ വന്നു. 65ആം മിനുട്ടിൽ ലുകാസ് മോറയിലൂടെ സമനില നേടിയ ടോട്ടൻഹാമിന് വിജയിക്കാൻ കളിയികെ അവസാന നിമിഷം വേണ്ടി വന്നു. അവസാന നിമിഷത്തിൽ സെന്റർ ലൈനിൽ നിന്ന് കെയ്ൻ തോടുത്ത ഷോട്ട് അഡ്വാൻസ് ചെയ്ത് നിന്നിരുന്ന‌ ചെസ്നിയെയും മറികടന്ന് വലയിൽ എത്തുകയായിരുന്നു.