മുംബൈ സിറ്റി വിട്ട ഒഗ്ബെചെ ഇനി ഹൈദരബാദിൽ കളിക്കും. ഇന്ന് ഒഗ്ബെചെയെ സൈൻ ചെയ്ത കാര്യം ഹൈദരബാദ് എഫ് സി ഔദ്യോഗികമായി പ്രഖ്യാപിക്കും. പരിചയ സമ്പത്തുള്ള ഒരു സ്ട്രൈക്കറെ കഴിഞ്ഞ സീസൺ അവസാനം മുതൽ ഹൈദരബാദ് അന്വേഷിക്കുന്നുണ്ട്. ആ അന്വേഷണമാണ് ഇപ്പോൾ ഒഗ്ബെചെയിൽ എത്തിയത്. ഹൈദരബാദിൽ താരം ഒരു വർഷത്തെ കരാർ ആകും ഒപ്പുവെക്കുന്നത്.
കഴിഞ്ഞ സീസണിൽ മുംബൈ സിറ്റിക്ക് ഒപ്പം എട്ടു ഗോളുകളും മൂന്ന് അസിസ്റ്റും ഒഗ്ബെചെ നേടിയിരുന്നു. മുംബൈയുടെ ഐ എസ് എൽ കിരീടത്തിൽ പ്രധാന പങ്കുവഹിക്കാൻ താരത്തിനായിരുന്നു. ഹൈദരബാദിൽ എത്തിയാൽ ഒഗ്ബെചെയുടെ നാലാം ഇന്ത്യൻ ക്ലബായിരിക്കും ഇത്. കേരള ബ്ലാസ്റ്റേഴ്സ്,
നോർത്ത് ഈസ്റ്റ് യുണൈറ്റഡ് എന്നീ ടീമുകൾക്കായും ഒഗ്ബെചെ മുമ്പ് കളിച്ചിട്ടുണ്ട്.
ഐ എസ് എല്ലിൽ ഇതുവരെ 35 ഗോളുകൾ താരം നേടിയിട്ടുണ്ട്. നൈജീരിയക്കാരനായ ഒഗ്ബെചെ പി എസ് ജിയുടെ യൂത്ത് ടീമിലൂടെ വളർന്നു വന്ന താരമാണ്. പി എസ് ജിക്കു വേണ്ടി സീനിയർ ടീമിൽ അറുപതിലധികം മത്സരങ്ങളും ഒഗ്ബെചെ കളിച്ചിട്ടുണ്ട്.
