Local Sports News in Malayalam

കളി നടക്കും എന്ന് ഒരു ഉറപ്പുമില്ല, മാറ്റിവെക്കുമെന്ന പ്രതീക്ഷയിൽ കേരള ബ്ലാസ്റ്റേഴ്സ്

ഐ എസ് എല്ലിൽ നാളെ നടക്കേണ്ട കേരള ബ്ലാസ്റ്റേഴ്സും മുംബൈ സിറ്റിയും തമ്മിലുള്ള മത്സരം നടക്കില്ല എന്ന പ്രതീക്ഷയിലാണ് കേരള ബ്ലാസ്റ്റേഴ്സ് ടീമും ആരാധകരും. ഇതുവരെ കളി മാറ്റിവെക്കുന്നതിനായി തീരുമാനം ആയിട്ടില്ല. നാളെ രാവിലെ 11 ക്ലബുകളുമായി ഐ എസ് എൽ ഒരു ചർച്ച വെച്ചിട്ടുണ്ട്. ആ ചർച്ചയിൽ ലീഗ് പൂർണ്ണമായും നിർത്തി വെക്കാൻ തീരുമാനം ആകും എന്നാണ് പ്രതീക്ഷിക്കപ്പെടുന്നത്.

കേരള ബ്ലാസ്റ്റേഴ്സ് അവസാന മൂന്ന് ദിവസമായി പരിശീലനം നടത്തിയിട്ടില്ല. ടീം കളിക്കായി ഒരു ഒരുക്കവും നടത്തിയിട്ടില്ല എന്ന് പരിശീലകൻ ഇവാൻ ഇന്നലെ പറഞ്ഞിരുന്നു. കേരള ബ്ലാസ്റ്റേഴ്സ് ഉൾപ്പെടെ 9 ക്ലബുകൾ ഇപ്പോൾ ഐസൊലേഷനിൽ ആണ്. ഇന്നലെ മോഹൻ ബഗാനും ബെംഗളൂരു എഫ് സിയും തമ്മിലുള്ള മത്സരം മാറ്റിവെച്ചിരുന്നു. കേരള ബ്ലാസ്റ്റേഴ്സിന്റെ മത്സരം മാറ്റിവെച്ചില്ല എങ്കിൽ അത് വലിയ വിവാദമായേക്കാം.

You might also like