ഇന്ന് നടന്ന അന്താരാഷ്ട്ര സൗഹൃദ മത്സരത്തിൽ ഇന്ത്യയുടെ സീനിയർ പുരുഷ ദേശീയ ഫുട്ബോൾ ടീം വിയറ്റ്നാമിനെതിരെ 1-1 സമനില വഴങ്ങി. 53-ാം മിനിറ്റിലെ ഫാറൂഖ് ചൗധരിയുടെ സ്ട്രൈക്ക് ആണ് ഇന്ത്യക്ക് സമനില നൽകിയത. 2021ന് ശേഷം ചൗധരിയുടെ ആദ്യ മത്സരമായിരുന്നു ഇത്.
27-ാം മിനിറ്റിൽ നിർണായകമായ പെനാൽറ്റി സേവ് നടത്തിയ ഗോൾകീപ്പർ ഗുർപ്രീത് സിംഗ് സന്ധു മികച്ച പ്രകടനം കാഴ്ചവച്ചു. 38ആം മിനുട്ടിലായിരുന്നു വിയറ്റ്നാമിന്റെ ഗോൾ വന്നത്.
ഇന്ത്യ കൂടുതൽ അവസരങ്ങൾ സൃഷ്ടിച്ചെങ്കിലും അവസാന ഘട്ടത്തിൽ വിയറ്റ്നാമിൻ്റെ പ്രതിരോധം ഉറച്ചുനിന്നു. ഇരുവശത്തുനിന്നും നിരവധി വൈകി ആക്രമണങ്ങൾ ഉണ്ടായിട്ടും, മത്സരം 1-1 എന്ന നിലയിൽ അവസാനിച്ചു. ഇന്ത്യ 11 മാസമായി ഒരു അന്താരാഷ്ട്ര മത്സരം വിജയിച്ചിട്ട്.