നെറോക ട്രാവു മത്സരം സമനിലയിൽ

20210116 021725

ഐലീഗിലെ നെറോകയുടെ ആദ്യ മത്സരം സമനിലയിൽ. ഇന്നലെ നടന്ന ഇംഫാൽ ഡാർബിയിൽ നെറോകയും ട്രാവുവും സമനിലയിൽ ആണ് പിരിഞ്ഞത്. 1-1 എന്ന സ്കോറിലാണ് മത്സരം അവസാനിച്ചത്. ആദ്യ 15 മിനുട്ടിൽ ആണ് കളിയിലെ രണ്ടു ഗോളുകളും പിറന്നത്. പത്താം മിനുട്ടിൽ വരുൺ തക്ചോമിലൂടെ നെറോക ആണ് ആദ്യ ഗോൾ നേടിയത്. എന്നാൽ ഈ ലീഡ് 5 മിനുട്ട് മാത്രമെ നീണ്ടു നിന്നുള്ളൂ. ഒരു കോർണറിൽ നിന്ന് ജോസഫ് ആണ് സമനില ഗോൾ ട്രാവുവിന് വേണ്ടി നേടിയത്. ഈ ഗോളിന് ശേഷം അവസരങ്ങൾ വന്നെങ്കിലും ഗോളൊന്നും പിന്നെ പിറന്നില്ല. രണ്ട് മത്സരങ്ങളിൽ രണ്ട് സമനിലയുമായി ട്രാവു ലീഗിൽ എട്ടാമതും ഒരു സമനില സമ്പാദ്യമായുള്ള നെറോക എട്ടാമതും ആണ് ഉള്ളത്.

Previous articleകേരളത്തിന്റെ റെക്കോര്‍ഡ് മറികടന്ന് പുതുച്ചേരി
Next articleപി എസ് ജി പരിശീലകൻ പോചടീനോ കൊറോണ പോസിറ്റീവ്