ശ്രീകുട്ടന്റെ ഗോളിൽ ഗോകുലം കേരളയുടെ വിജയം, ലീഗിൽ രണ്ടാം സ്ഥാനം

Picsart 22 12 12 21 17 04 664

ഹാട്രിക്ക് കിരീടം ലക്ഷ്യമിടുന്ന ഗോകുലം കേരള ഐ ലീഗിൽ ഒന്നാം സ്ഥാനത്തോട് അടുക്കുന്നു. ഇന്ന് പയ്യനാട് വെച്ച് രാജസ്ഥാൻ യുണൈറ്റഡിനെ നേരിട്ട ഗോകുലം കേരള മറുപടിയില്ലാത്ത ഒരു ഗോളിന് വിജയിച്ചു. ഗോളില്ലാത്ത ആദ്യ പകുതിക്ക് ശേഷം രണ്ടാം പകുതിയിൽ ആണ് ഗോകുലത്തിന്റെ വിജയ ഗോൾ വന്നത്.

ഗോകുലം കേരള 211713

51ആം മിനുട്ടിൽ ഇടതു വിങ്ങിൽ നിന്ന് കട്ട് ചെയ്ത് കയറിയ ശ്രീകുട്ടന്റെ ഒരു തകർപ്പൻ ഷോട്ട് ഗോൾവലയുടെ ഒരു കോർണറിൽ പതിക്കുകയായിരുന്നു. ഇതിനു ശേഷം കളിയുടെ നിയന്ത്രണം ഏറ്റെടുത്ത ഗോകുലം വിജയവും സ്വന്തമാക്കി.

ഈ വിജയത്തോടെ 14 പോയിന്റുമായി ഗോകുലം ലീഗിൽ രണ്ടാം സ്ഥാനത്ത് എത്തി. ഒന്നാമതുള്ള റിയൽ കാശ്മീരിന് രണ്ട് പോയിന്റ് മാത്രം പിറകിലാണ് ഗോകുലം ഉള്ളത്.