ഇന്ന് ചർച്ചിൽ ബ്രദേഴ്സ് ഐലീഗിൽ തകർപ്പൻ ജയം തന്നെയാണ് സ്വന്തമാക്കിയത്. നെരോകയെ നേരിട്ട കളിയിൽ 85 മിനുട്ടോളം ഒരു ഗോളിന് പിറകിൽ നിന്ന ശേഷമാണ് വൻ തിരിച്ചുവരവ് നടത്തിയാണ് ചർച്ചിൽ ബ്രദേഴ്സ് വിജയിച്ചത്. ഐലീഗ് ഈ സീസണിൽ ഗോളടി നിർത്താൻ കഴിയാത്ത വില്ലിസ് പ്ലാസയാണ് ഇന്നും ചർച്ചിലിന്റെ രക്ഷയ്ക്ക് എത്തിയത്.
കളിയുടെ തുടക്കത്തിൽ കിയതമ്പയുടെ ഗോളിൽ നെരോക മുന്നിൽ എത്തിയതായിരുന്നു. 85ആം മിനുട്ടിൽ പ്ലാസ ഗോൾ നേടുന്നത് വരെ ആ ലീഡ് നെരോക നിലനിർത്തിയിരുന്നു. പക്ഷെ പ്ലാസ ഇരട്ട ഗോളുകളോടെ നെരോകയുടെ കിരീട പോരാട്ടത്തിന് തന്നെ വലിയ വിലങ്ങിട്ടു. 85ആം മിനുട്ടിലും പിന്നെ ഇഞ്ച്വറി ടൈമിലും ആയിരുന്നു പ്ലാസയുടെ ഗോളുകൾ.
ഈ വിജയം ചർച്ചിലിന്റെ കിരീട പ്രതീക്ഷകൾ സജീവമാക്കി. 13 മത്സരങ്ങളിൽ 25 പോയന്റുമായു രണ്ടാം സ്ഥാനത്താണ് ചർച്ചിൽ ഇപ്പോൾ ഉള്ളത്. 21 പോയന്റുള്ള നെറോക ഇപ്പോൾ അഞ്ചാം സ്ഥാനത്താണ്.