ഗോകുലത്തിനായി ഗോളടിച്ചു കൂട്ടിയ ലൂക്ക ഇനി പഞ്ചാബ് എഫ് സിയിൽ

ഗോകുലം കേരള കഴിഞ്ഞ സീസൺ ഐ ലീഗിൽ ചാമ്പ്യന്മാർ ആയപ്പോൾ ആ യാത്രയിൽ മുന്നിൽ നിന്ന് നയിച്ച സ്ട്രൈക്കർ ലൂക മെയ്സൺ ഇത്തവണ ഐ ലീഗിൽ പഞ്ചാബ് എഫ് സിയുടെ ജേഴ്സി അണിയും. ലൂക്കയെ സൈൻ ചെയ്തതായി പഞ്ചാബ് എഫ് സി ഇന്ന് പ്രഖ്യാപിച്ചു.

20220923 164946

സ്ലോവേനിയൻ സ്‌ട്രൈക്കർ ആയ ലൂക്കാ മേയ്സെൻ കഴിഞ്ഞ സീസണിൽ ഗോകുലത്തിനായി 13 ഗോളുകൾ നേടുകയും ഒപ്പം 7 അസിസ്റ്റുകൾ ഒരുക്കുകയും ചെയ്തിരുന്നു. കഴിഞ്ഞ സീസൺ തുടക്കത്തിൽ ചർച്ചിൽ ബ്രദേഴ്‌സിൽ നിന്നായിരുന്നു ലൂക്കാ കേരളത്തിലേക്ക് എത്തിയത്.

ലൂക്ക

ചർച്ചിലിനു വേണ്ടി ഐലീഗിൽ ഒരു സീസണിൽ ൽ 11 ഗോളുകൾ ലൂക്കാ നേടിയിരുന്നു. കഴിഞ്ഞ ഐ ലീഗ് ക്വാളിഫൈർ മത്സരങ്ങൾക്ക് വേണ്ടി ബെംഗളൂരു യുണൈറ്റഡിനു വേണ്ടിയും ലൂക്കാ കളിച്ചിരുന്നു. മുപ്പത്തി മൂന്ന് വയസുള്ള ലൂക്കാ ഇന്ത്യയിൽ കളിക്കുന്നതിനു മുൻപ് സ്ലോവേനിയന് ലീഗിലാണ് കളിച്ചത്.