ഈസ്റ്റ് ബംഗാളിന്റെ ഒരു വിദേശ താരം കൂടെ ക്ലബ് വിടുന്നു. വിദേശ സ്ട്രൈക്കർ ആയ ജെയ്മി സാന്റോസ് ആണ് ക്ലബ് വിടാൻ ഒരുങ്ങുന്നത്‌. കഴിഞ്ഞ ദിവസം ക്രെസ്പിയും ക്ലബ് വിട്ടിരുന്നു. അവസാന രണ്ട് വർഷമായി കൊൽക്കത്തയിൽ ഉണ്ടായിരുന്ന താരമാണ് ജെയ്മി. പക്ഷെ ഈ സീസണിൽ നല്ല ഫോമിലേക്ക് എത്താൻ താരത്തിന് ആയില്ല. ആരോഗ്യപരമായ പ്രശ്നങ്ങൾ കാരണം അവസാന മത്സരങ്ങളിൽ താരം കളിച്ചതുമില്ല.
25കാരനായ സാന്റോസ് ക്ലബിനായി കഴിഞ്ഞ ഐലീഗിൽ 5 ഗോളുകൾ സാന്റോസ് നേടിയിരുന്നു. മുമ്പ് സ്പാനിഷ് ക്ലബായ മിറാണ്ടസ്, സ്പോർടിംഗ് ബി എന്നീ ക്ലബുകളുടെ ഭാഗമായിരുന്നു സാന്റോസ്.
