ഇന്ത്യൻ ആരോസിനെ നിസാരവൽകരിച്ചു കണ്ട ഗോകുലം കേരളയ്ക്ക് പണി കിട്ടി. ഇന്ന് നടന്ന മത്സരത്തിൽ എതിരില്ലാത്ത ഒരു ഗോളിന് ഇന്ത്യൻ ആരോസ് ഗോകുലം കേരളയെ പരാജയപ്പെടുത്തി. ലീഗിൽ അവസാന സ്ഥാനത്തായിരുന്ന ഇന്ത്യൻ ആരോസിനെതിരെ നിരവധി മാറ്റങ്ങളുമായി ആണ് ഗോകുലം ഇറങ്ങിയത്, എന്നാൽ പൊരുതി കളിച്ച ആരോസ് വിജയം സ്വന്തമാക്കുകയായിരുന്നു. ലീഗിലെ ആരോസിന്റെ രണ്ടാമത്തെ മാത്രം വിജയമണിത്.
ഗോൾ രഹിതമായ ആദ്യ പകുതിക്ക് ശേഷം 66ആം മിനിറ്റിൽ പെനാൽറ്റിയിലൂടെ ക്യാപ്റ്റൻ അമർജിത് സിങ് ആണ് ആരോസിന്റെ വിജയ ഗോൾ നേടിയത്. വിജയത്തോടെ ആരോസ് 9ആം സ്ഥാനത്തെക്ക് മുന്നേറി. ആരോസിന് 7 പോയിന്റും ഗോകുലം കേരളയ്ക്ക് 10 പോയിന്റുമാണ് ഉള്ളത്. 9 മത്സരങ്ങൾ പിന്നിട്ടപ്പോൾ എട്ടാം സ്ഥാനത്താണ് ഗോകുലം കേരള എഫ്സി ഇപ്പോൾ.