ആരോസിന് എതിരെ പഞ്ചാബ് എഫ് സിക്ക് വിജയം

ഐ ലീഗിൽ ഇന്ന് നടന്ന മത്സരത്തിൽ റൗണ്ട് ഗ്ലാസ് പഞ്ചാബ് എഫ് സി ഇന്ത്യൻ ആരോസിനെ തോൽപ്പിച്ചു. ഒന്നിനെതിരെ മൂന്ന് ഗോളുകൾക്കായിരുന്നു പഞ്ചാബ് എഫ് സിയുടെ വിജയം. രണ്ടാം പകുതിയിലാണ് കളിയിലെ എല്ലാ ഗോളും പിറന്നത്. ആദ്യ പകുതിയിൽ ഗോൾ രഹിതമായി അവസാനിപ്പിച്ചതിന് ശേഷം 51ആം മിനുട്ടിൽ ഗുത്റെ പഞ്ചാബിന് ലീഡ് നൽകി.

55ആം മിനുട്ടിൽ മഹെസൺ സിങ് ആണ് ലീഡ് ഇരട്ടിയാക്കിയത്. 87ആം മിനുട്ടിൽ റുപേർടിന്റെ വക മൂന്നാം ഗോളും വന്നു. ഒരു സെൽഫ് ഗോളിലൂടെ ആയിരുന്നു ആരോസിന്റെ ആശ്വാസ ഗോൾ. 17 പോയിന്റുമായി പഞ്ചാബ് ലീഗിൽ ഇപ്പോൾ മൂന്നാം സ്ഥാനത്താണ്‌.