ഐ ലീഗിനോട് സ്റ്റാർ സ്പോർട്സ് കാണിക്കുന്ന അവഗണനയ്ക്കെതിരെ ആഞ്ഞടിച്ച് മിനേർവ പഞ്ചാബ് ക്ലബ് ഉടമ രഞ്ജിത് ബജാജ്. ഐ ലീഗ് തുടങ്ങാൻ വിരലിൽ എണ്ണാവുന്ന ദിവസങ്ങൾ മാത്രം ഉള്ളപ്പോഴും ഒരു ഐ ലീഗിന്റെ പരസ്യം പോലും സ്റ്റാർ നെറ്റ്വർക്ക് കാണിക്കാത്തതാണ് രഞ്ജിതിന്റെ പ്രതികരണത്തിന് പിറകിൽ.
PLEASE START ATLEAST SOME SEMBLANCE OF A PROMOTION FOR @ILeagueOfficial @StarSportsIndia …… can’t believe that it’s four days to go and not even one ad or teaser …atleast try to show us that you are making some effort to promote it 😳😳😢😢
— Ranjit Bajaj (@THE_RanjitBajaj) November 20, 2017
രാജ്യത്തെ ഒന്നാം ഡിവിഷനായ ഐ ലീഗിനെ ഇല്ലാതാക്കാനും ഐ ലീഗിനെ അപ്രസക്തമാക്കാനും വേണ്ടി നടക്കുന്ന ഒരുപാട് കാര്യങ്ങളിൽ ഒന്നാണ് സ്റ്റാർ സ്പോർട്സിന്റെ ഈ നിലപാടും എന്നാണ് പൊതുവെ വിലയിരുത്തപ്പെടുന്നത്. നവംബർ 25നാണ് ഐ ലീഗ് തുടങ്ങുന്നത്. സ്റ്റാർ സ്പോർട്സിനാണ് ഐ ലീഗിന്റെ സംപ്രേഷണാവകാശം. ഇതുവരെ സ്റ്റാർ സ്പോർട്സ് ചാനൽ ഇതുസംബന്ധിച്ച് ഒരു പ്രൊമീ വരെ നൽകിയിട്ടില്ല.
നേരത്തെ സ്റ്റാറിന്റെ ടെലിക്കാസ്റ്റിംഗ് സുഖമമാക്കൻ വേണ്ടി ഐ ലീഗ് കിക്കോഫുകൾ നട്ടുച്ചയ്ക്ക് ആക്കിയതും വിവാദമായിരുന്നു.
കൂടുതൽ കായിക വാർത്തകൾക്ക് : www.facebook.com/FanportOfficial
