സമനിലയോടെ സീസണിന് തുടക്കമിട്ട് ഐസാളും ട്രാവു എഫ്സിയും

20221116 000010

ഐ ലീഗിലെ തങ്ങളുടെ ആദ്യ മത്സരത്തിൽ സമനിലയിൽ പിരിഞ്ഞു ഐസാളും ട്രാവു എഫ്സിയും. രാജീവ് ഗാന്ധി സ്റ്റേഡിയത്തിൽ ഓരോ ഗോൾ വീതമടിച്ചാണ് ഇരു ടീമുകളും പോയിന്റ് പങ്കുവെച്ചത്. ഐസ്വാളിനായി ലാൽരിൻഫെല ഗോൾ നേടിയപ്പോൾ ട്രാവുവിന് വേണ്ടി ബികാശ് സിങാണ് വലകുലുക്കിയത്.

20221116 000016

പതിനെട്ടാം മിനിറ്റിലാണ് ആദ്യ ഗോൾ വന്നത്. യുവതാരം ബികാശ് സിങ് ട്രാവുവിനെ മുന്നിൽ എത്തിച്ചു. പിന്നീട് കിസെക്കയുടെ ഹെഡർ ലക്ഷ്യത്തിൽ നിന്നും അകന്ന് പോയതോടെ ആദ്യ പകുതി ഐസ്വാളിന് സമനില നേടാൻ ആയില്ല. എന്നാൽ രണ്ടാം പകുതിയുടെ തുടക്കത്തിൽ തന്നെ ഐസ്വാൾ തിരിച്ചടിച്ചു. ഗോൾ കീപ്പർ ബിഷോർജിത്തിന്റെ പിഴവ് തുണയായപ്പോൾ ലാൽരിൻഫെല സമനില ഗോൾ കണ്ടെത്തി. എഴുപതിയേട്ടാം മിനിറ്റിൽ മത്തിയാസ് വെറൊൺ ചുവപ്പ് കാർഡ് കണ്ടതോടെ ഐസ്വാൾ പത്ത് പേരിലേക്ക് ചുരുങ്ങി. മത്സരത്തിന്റെ അവസാന നിമിഷങ്ങളിൽ കിസെക്കയുടെ മികച്ചൊരു ഷോട്ട് തടുത്ത് കീപ്പർ ബിഷോർജിത് ട്രാവുവിന്റെ രക്ഷക്കെത്തി.