ഒഡീഷ എഫ്സി താരം ഹിതേഷ് ശർമ്മയെ മുംബൈ സിറ്റി സ്വന്തമാക്കി. 26 കാരനായ മിഡ്ഫീൽഡർ ഹിതേഷ് ശർമ്മ ലോൺ കരാറുൽ ആണ് മുംബൈ സിറ്റി എഫ്സിയിൽ എത്തുന്നത്.2024-25 സീസണിൻ്റെ അവസാനം വരെ അദ്ദേഹം ക്ലബ്ബിൽ ഉണ്ടാകും.
ജലന്ധറിൽ ജനിച്ച ഹിതേഷ് ചണ്ഡീഗഡ് ഫുട്ബോൾ അക്കാദമിയിലും ടാറ്റ ഫുട്ബോൾ അക്കാദമിയിലും (ടിഎഫ്എ) കളിച്ചാണ് വളർന്നത്. ടിഎഫ്എയിൽ നിന്ന് ബിരുദം നേടിയ ശേഷം, ഐ-ലീഗിൽ മുംബൈ എഫ്സിയിൽ തൻ്റെ സീനിയർ കരിയർ ആരംഭിച്ചു, തുടർന്ന് ഹൈദരാബാദ് എഫ്സി, ഒഡീഷ എഫ്സി എന്നിവയ്ക്കൊപ്പവും അദ്ദേഹം തൻ്റെ കഴിവും വൈദഗ്ധ്യവും തെളിയിച്ചു.
ഐഎസ്എല്ലിൽ 81 മത്സരങ്ങൾ കളിച്ച ഹിതേഷ് 2021-22 സീസണിൽ ഹൈദരാബാദ് എഫ്സിക്കൊപ്പം ഐഎസ്എൽ കപ്പ് നേടുകയും 2018 ൽ തൻ്റെ ഇന്ത്യ ഇൻ്റർനാഷണൽ അരങ്ങേറ്റം നടത്തുകയും ചെയ്തു.