ബയേൺ മ്യൂണിക്ക് സ്ട്രൈക്കർ ഹാരി കെയ്ന് പരിക്ക്. താരത്തിന്റെ ആങ്കിളിന് പരിക്കേറ്റതായി ബയേൺ തന്ന്സ് അറിയിച്ചു. കെയ്ൻ അന്താരാഷ്ട്ര മത്സരങ്ങൾക്ക് ആയി ഇംഗ്ലണ്ടിനൊപ്പം ചേരും എങ്കിലും താരം കളിക്കാൻ സാധ്യതയില്ല. ഇംഗ്ലണ്ടിന്റെ 2 മത്സരങ്ങളും കെയ്നിന് നഷ്ടമാകും എന്നാണ് റിപ്പോർട്ടുകൾ.
മാർച്ച് 23ന് ബ്രസീലിന് എതിരെയും മാർച്ച് 26ന് ബെൽജിയത്തിന് എതിരെയും ആണ് ഇംഗ്ലണ്ടിന്റെ ഈ ഇന്റർ നാഷണൽ ബ്രേക്കിലെ മത്സരങ്ങൾ. മാർച്ച് 30ന് നടക്കുന്ന ബയേണും ഡോർട്മുണ്ടും തമ്മിലുള്ള മത്സരത്തിനു മുന്നെ കെയ്ൻ ഫിറ്റ്നസ് വീണ്ടെടുക്കും എന്ന് ക്ലബ് പ്രതീക്ഷിക്കുന്നു. ഈ സീസണിൽ 31 ഗോളുകൾ ബുണ്ടസ് ലീഗയിൽ കെയ്ൻ അടിച്ചിട്ടുണ്ട്.