ഇന്ന് പഞ്ചാബിലെ നാം ധാരി ഗ്രൗണ്ടിൽ നടക്കുന്ന ഐ ലീഗ് മത്സരത്തിൽ ഗോകുലം കേരള എഫ് സി ഡൽഹി എഫ് സിയെ നേരിടുന്നു. ഉച്ചക്ക് 2നാണ് മത്സരം ആരംഭിക്കുക. തുടർച്ചയായ വിജയങ്ങൾ നേടിക്കൊണ്ടിരിക്കുന്ന ഗോകുലത്തിന്, ലീഗിൽ ഒന്നാം സ്ഥാനത്തേക്ക് അടുക്കാൻ ഈ മത്സരം നിർണായകമാണ്. ഒരു സമനിലപോലും ഐ ലീഗ് ട്രോഫി നേടുന്നതിൽ നിന്ന് ടീമിനെ പിന്നോട്ടടിച്ചേക്കാം.
നിലവിൽ 14 മത്സരങ്ങളിൽ നിന്ന് 26 പോയ്ന്റ്സുമായി രണ്ടാം സ്ഥാനക്കാരണ് ഗോകുലം. അവസാനം കളിച്ച നാലു മത്സരങ്ങളും ടീം ജയിച്ചിരുന്നു. മറുവശത്തു ഡെല്ഹിയാവട്ടെ 13 മത്സരങ്ങളിൽ നിന്ന് 19 പോയ്ന്റ്സുമായി 8 ആം സ്ഥാനത്ത് നിൽക്കുകയാണ്.
ഗോകുലത്തിന്റെ കരുത്ത് മുന്നേറ്റത്തിൽ ക്യാപ്റ്റൻ അലക്സ് ആണ്. 14′ ഗോളുകളുമായി ലീഗിലെ ടോപ് സ്കോറർ ആണ് അലക്സ്.