Category: FIFA World Cup

ഇന്ന് വനിതാ ഫുട്ബോൾ ലോകകപ്പിൽ നടന്ന മത്സരത്തിൽ ഏഷ്യൻ ചാമ്പ്യന്മാരായ ചൈനയെ ഡെന്മാർക്ക് തോൽപ്പിച്ചു. ഇന്ന് നടന്ന ആവേശകരമായ മത്സരത്തിൽ 90ആം മിനുട്ടിലെ ഒരു ഗോളാണ് ഡെന്മാർക്കിന് വിജയം നൽകിയത്‌. ഹാർദ്സ്റിന്റെ ഒരു ക്രോസിൽ നിന്ന് വാംഗ്സ്ഗാർഡാണ് അവസാന നിമിഷം ഡെന്മാർക്കിന് 3 പോയിന്റ് നൽകിയത്‌.

ഇതു കഴിഞ്ഞ് ചൈനക്ക് 95 ആം മിനുട്ടിൽ സമനില നേടാൻ ഒരു സുവർണ്ണാവസരം ലഭിച്ചിരുന്നു. അത് പക്ഷെ നിർഭാഗ്യം കൊണ്ട് വലയിൽ ഞ്ന്ന് അകന്നു നിന്നു. മത്സരത്തിൽ ഡെന്മാർക്കിന് നേരിയ മുൻ തൂക്കം ഉണ്ടായിരുന്നു എങ്കിലും ഇരു ടീമുകളും ഒപ്പത്തിനൊപ്പം നിക്കുന്നതാണ് ഭൂരിഭാഗം സമയവും കണ്ടത്.

വനിതാ ഫുട്ബോൾ ലോകകപ്പിൽ ജപ്പാൻ വലിയ വിജയത്തോടെ തിടങ്ങി. ഇന്ന് സാംബിയയെ നേരിട്ട ജപ്പാൻ എതിരില്ലാത്ത് അഞ്ചു ഗോളുകൾക്കാണ് വിജയിച്ചത്. വനിതാ ലോകകപ്പ് ചരിത്രത്തിൽ ഇത് മൂന്നാം തവണ മാത്രമാണ് ജപ്പാൻ ഒരു കളിയിൽ നാലു ഗോളുകൾ അടിക്കുന്നത്. ഇരട്ട ഗോളുകളുമായി ഹിനാറ്റ മിയസവ ജപ്പാന്റെ താരമായി മാറി.

43ആം മിനുട്ടിലും 62ആം മിനുട്ടിലും ആയിരുന്നു മിയസയുടെ ഗോളുകൾ. 55ആം മിനുട്ടിൽ പരിയസമ്പന്നയായ മിന തിനാകയും ജപ്പാനായി ഗോൾ നേടി. അമേരിക്കൻ ക്ലബായ ഏഞ്ചൽ സിറ്റിക്കായി കളിക്കുന്ന ജുൻ എൻഡോയും കൂടെ ഗോൾ നേടിയതോടെ ജപ്പാൻ വിജയം ഉറപ്പിച്ചു. അവസനാൻ യുയെകിയും ജപ്പാനായി ഗോളടിച്ചു. സാംബിയ ഇതാദ്യമായാണ് വനിതാ ഫുട്ബോൾ ലോകകപ്പിൽ കളിക്കുന്നത്‌. അവർക്ക് ഇന്ന് ഒരു ഷോട്ട് തൊടുക്കാൻ പോലും ആയില്ല.

വനിതാ ഫുട്ബോൾ ലോകകപ്പിൽ വിജയത്തോടെ സ്വിറ്റ്സർലാന്റ് തുടങ്ങി. ഇന്ന് ന്യൂസിലൻഡിൽ നടന്ന മത്സരത്തിൽ ഫിലിപ്പീൻസിനെ എതിരില്ലാത്ത രണ്ടു ഗോളുകൾക്ക് ആണ് സ്വിറ്റ്സർലാന്റ് തോല്പ്പിച്ചത്. ആദ്യ പകുതിയുടെ അവസാനം കിട്ടിയ പെനാൾട്ടി ലക്ഷ്യത്തിൽ എത്തിച്ച് ബാച്ച്മാൻ ആണ് സ്വിറ്റ്സർലാന്റിന് ലീഡ് നൽകിയത്. ഈ ഗോളോടെ റമോണ ബാച്മാൻ സ്വിറ്റ്സർലാന്റിന്റെ ലോകകപ്പിലെ എക്കാലത്തെയും ടോപ് സ്കോറർ ആയി.

രണ്ടാം പകുതിയിലും സ്വിറ്റ്സർലാന്റ് ആധിപത്യം തുടർന്നു. അവർ 64ആം മിനുട്ടിൽ സെറിന സെവറിൻ പുബിലിലൂടെ ലീഡ് ഇരട്ടിയാക്കി. ഈ ഗോൾ അവരുടെ വിജയവും ഉറപ്പിച്ചു. ഫിലിപ്പീൻസിന് ഇന്ന് ഒരു ഷോട്ട് ടാർഗറ്റിലേക്ക് തൊടുക്കാൻ പോലും ആയില്ല. സ്വിറ്റ്സർലാന്റ് 17 ഷോട്ടുകൾ തൊടുത്തപ്പോൾ അതിൽ 8ഉം ടാർഗറ്റിലേക്ക് ആയിരുന്നു. 75%ത്തോളം പൊസഷനും സ്വിറ്റ്സർലാന്റിന് ഉണ്ടായിരുന്നു.

2026ലെ ഫിഫ ലോകകപ്പ് ഇതുവരെ നടന്ന ലോകകപ്പുകളെക്കാൾ ഒക്കെ വലുതാകും. മെസ്കിക്കോ, കാനഡ, അമേരിക്ക എന്നി രാജ്യങ്ങൾ ചേർന്ന് ആതിഥ്യം വഹിക്കുന്ന ടൂർണമെന്റിൽ 48 ടീമുകൾ ആകും പങ്കെടുക്കുക. ഫിഫയുടെ 32 ടീം ലോകകപ്പ് എന്നത് 2026ഓടെ മാറാനിരിക്കുകയാണ്‌. 48 ടീമുകൾ വരുന്നതോടെ കൂടുതൽ രാജ്യങ്ങൾക്ക് ടൂർണമെന്റിന്റെ ഭാഗമാകാനും ആകും ഒപ്പം കൂടുതൽ രാജ്യങ്ങളിലെ ഫുട്ബോൾ ശക്തമാകാനും ഫിഫയുടെ ഈ നീക്കം കാരണമാകും.

12 ഗ്രൂപ്പുകൾ അടുത്ത ലോകകപ്പിൽ ഉണ്ടാകും. 4 ടീമുകൾ ഉള്ള 12 ഗ്രൂപ്പുകൾ. ഗ്രൂപ്പുകളിൽ നിന്ന് ആദ്യ രണ്ട് സ്ഥാനക്കാരും ഒപ്പം 8 മികച്ച മൂന്നാം സ്ഥാനക്കാരും നോക്കൗട്ട് റൗണ്ടിലേക്ക് കടക്കും. റൗണ്ട് ഓഫ് 16 എന്നതിന് പകരം റൗണ്ട് ഓഫ് 32 ആയാകും നോക്കൗട്ട് ആരംഭിക്കുക. 5 നോക്കൗട്ട് മത്സരങ്ങൾ കഴിഞ്ഞ് മാത്രമെ ഇനി ഒരു ടീമിന് കിരീടത്തിൽ മുത്തമിടാൻ ആവുകയുള്ളൂ.

104 മത്സരങ്ങൾ അടുത്ത ലോകകപ്പിൽ നടക്കും. 16 വേദികളിലായാകും മത്സരങ്ങൾ നടക്കുക. മത്സരങ്ങൾ കൂടുതൽ ആയതു കൊണ്ട് തന്നെ പല റെക്കോർഡുകളും തകരുന്ന ലോകകപ്പ് കൂടിയാകും അടുത്തത്.