ഇന്നലെ അർജന്റീന ഹോളണ്ടിനെ പെനാൽട്ടി ഷൂട്ട് ഔട്ടിൽ അർജന്റീന താരങ്ങൾ പ്രത്യേകിച്ച് നിക്കോളാസ് ഒട്ടമെന്റി ഹോളണ്ട് താരങ്ങളുടെ മുന്നിൽ നടത്തിയ ഗോൾ ആഘോഷം ബഹുമാനക്കുറവ് നിറഞ്ഞത് ആയിരുന്നു എന്ന വിമർശനം വന്നിരുന്നു. എന്നാൽ അതിനു മറുപടിയും ആയി ഒട്ടമെന്റി രംഗത്ത്. തങ്ങൾ പെനാൽട്ടി എടുക്കാൻ പോകുന്ന ഓരോ സമയത്തും പല കാര്യങ്ങൾ പറഞ്ഞു തങ്ങളെ പ്രകോപിക്കാൻ വന്ന ഒരു ഡച്ച് താരത്തിന് മറുപടി ആയാണ് ആ ആഘോഷം എന്നാണ് താരം പറഞ്ഞത്.
അതിനുള്ള മറുപടി ആയാണ് തങ്ങൾ അത്തരം ഒരു ആഘോഷം നടത്തിയത് എന്നാണ് അർജന്റീന പ്രതിരോധ താരം പറഞ്ഞത്. ആ ഫോട്ടോ തെറ്റായി വ്യാഖ്യാനിക്കേണ്ട കാര്യമില്ലെന്നും എന്നും താരം കൂട്ടിച്ചേർത്തു. മത്സരത്തിന് മുമ്പും ശേഷവും നിരവധി വാക്ക് പോര് കണ്ട മത്സരത്തിൽ പലപ്പോഴും ശാരീരിക പോരാട്ടം കൂടി കാണാൻ ആയി. ലോകകപ്പ് ചരിത്രത്തിൽ ഏറ്റവും കൂടുതൽ മഞ്ഞ കാർഡുകൾ കണ്ട മത്സരം ആയി മാറിയ മത്സരത്തിൽ റഫറിക്ക് എതിരെ ലയണൽ മെസ്സി പരസ്യമായി രംഗത്ത് വന്നിരുന്നു.