ഈ ലോകകപ്പിൽ തങ്ങളുടെ ഏറ്റവും വലിയ പ്രചോദനം ലയണൽ മെസ്സിയാണെന്ന് അർജന്റീന ലെഫ്റ്റ് ബാക്ക് നിക്കോളാസ് ടാഗ്ലിയാഫിക്കോ. മെസ്സി എപ്പോഴും ഇതേ മികവിലാണ്. ഞങ്ങളെ സംബന്ധിച്ചിടത്തോളം, അദ്ദേഹം ഞങ്ങളുടെ ക്യാപ്റ്റനാണ്, ഞങ്ങളുടെ നേതാവാണ്. ടാഗ്ലിയാഫിക്കോ മാധ്യമങ്ങളോട് പറഞ്ഞു.
മെസ്സിയാണ് നമ്മെ പ്രചോദിപ്പിക്കുന്നത്. പിച്ചിൽ അദ്ദേഹത്തിന്റെ സാന്നിധ്യം ഞങ്ങൾക്ക് ഒരു പ്രത്യേക മുൻതൂക്കം നൽകുന്നു, ഞങ്ങൾക്ക് മെസ്സി ഉണ്ടെന്ന് ഞങ്ങൾക്കറിയാം. അതൊരു വലിയ പ്രചോദനമാണ്. അദ്ദേഹം ഒപ്പം ഉള്ളതിൽ ഞങ്ങൾക്ക് സന്തോഷമുണ്ട്. ഫുൾബാക്ക് പറഞ്ഞു.
ഞങ്ങൾ ഒരേ ദിശയിൽ പ്രവർത്തിക്കാനും ഞങ്ങളുടെ സ്വപ്നങ്ങൾ സാക്ഷാത്കരിക്കാനും മെസ്സിക്കൊപ്പം ഈ ലോകകപ്പ് ഉയർത്താനും ശ്രമിക്കുകയാണ് അദ്ദേഹം കൂട്ടിച്ചേർത്തു.