5 ലോകകപ്പുകളിലും അസിസ്റ്റ്! ലയണൽ മെസ്സിക്ക് പകരം വക്കാൻ ആരുമില്ല!

Picsart 22 11 27 02 13 35 241

കളിക്കുന്ന അഞ്ചാം ലോകകപ്പിലും ഗോൾ അടിപ്പിക്കുന്ന ശീലം തുടർന്ന് ലയണൽ മെസ്സി. അഞ്ചു ലോകകപ്പുകളിൽ അസിസ്റ്റ് ചെയ്യുന്ന ചരിത്രത്തിലെ ആദ്യ താരമായും മെസ്സി ഇതോടെ മാറി. ഇതിൽ നാലു ലോകകപ്പുകളിൽ ഗോൾ നേടാനും മെസ്സിക്ക് ആയിരുന്നു.

അർജന്റീനക്ക് ഒപ്പം 2006 ൽ ലോകകപ്പ് അരങ്ങേറ്റം കുറിച്ച മെസ്സി 2010, 2014, 2018 ലോകകപ്പുകളിൽ ടീമിന് ഒപ്പം ഉണ്ടായിരുന്നു. 2014 ൽ ഫൈനലിൽ എത്താൻ ആയി എങ്കിലും ലോക കിരീടം മെസ്സിക്കും സംഘത്തിനും ജർമ്മനിക്ക് മുന്നിൽ അടിയറവ് വെക്കേണ്ടി വരിക ആയിരുന്നു. ലോകത്ത് മറ്റൊരു താരവും 3 ലോകകപ്പുകളിൽ കൂടുതൽ അസിസ്റ്റ് നൽകിയിട്ടില്ല എന്നതിനാൽ തന്നെ മെസ്സിയുടെ അസിസ്റ്റ് റെക്കോർഡിനു മാറ്റ് കൂടുതൽ ആണ്.