സ്പെയിൻ പരിശീലകനായി ഇനി ലൂയി എൻറികെ ഇല്ല

Newsroom

Picsart 22 12 08 17 26 22 217
Download the Fanport app now!
Appstore Badge
Google Play Badge 1

ലോകകപ്പിൽ ക്വാർട്ടർ കാണാതെ പുറത്തായതിനു പിന്നാലെ സ്പെയിൻ അവരുടെ പരിശീലകനെ പുറത്താക്കി‌‌. ലൂയിസ് എൻറികെ ടീമിന്റെ പരിശീലകനായി തുടരില്ല എന്ന് ഇന്ന് ഒരു ഔദ്യോഗിക പ്രസ്താവനയിലൂടെ സ്പെയിൻ അറിയിച്ചു. പ്രീക്വാർട്ടറിൽ മൊറോക്കോയോട് പെനാൾട്ടി ഷൂട്ടൗട്ടിൽ തോറ്റായിരുന്നു സ്പെയിൻ പുറത്തായത്. എൻറികെ ഫുട്ബോൾ ശൈലി ഏറെ വിമർശനങ്ങൾ നേരിട്ടിരുന്നു‌. ലോകകപ്പ് ടീമിൽ അദ്ദേഹം റാമോസിനെ പോലുള്ള താരങ്ങളെ തഴഞ്ഞതും ചർച്ചാ വിഷയമായിരുന്നു.

Picsart 22 12 08 17 26 30 358

കഴിഞ്ഞ യൂറോ കപ്പിൽ സ്പെയിനിന്റെ യുവ ടീമിനെ സെമി വരെ എത്തിക്കാൻ എൻറികെയ്ക്ക് ആയിരുന്നു. മുൻ ബാഴ്സലോണ പരിശീലകൻ ഇനു ക്ലബ് ഫുട്ബോളിലേക്ക് മടങ്ങി പോകാൻ ആണ് സാധ്യത.

സ്പെയിൻ പുതിയ പരിശീലകനെ വരും ദിവസങ്ങളിൽ തീരുമാനിക്കും. സ്പെയിന്റെ അണ്ടർ 21 പരിശീലകൻ ലൂയിസ് ഡെ ല ഫുന്റെ അടുത്ത പരിശീലകനാകും എന്ന് റിപ്പോർട്ടുകൾ ഉണ്ട്‌.