ലോകചാമ്പ്യന്മാർ ലോകകപ്പ് ക്വാർട്ടറിൽ, എംബപ്പെക്ക് മുന്നിൽ ഒരക്ഷരം മിണ്ടാതെ പോളണ്ട് മടങ്ങി!!

Picsart 22 12 04 22 07 46 150

നികവിലെ ലോക ചാമ്പ്യന്മാരായ ഫ്രാൻസ് ഖത്തർ ലോകകപ്പ് ക്വാർട്ടറിലേക്ക് മുന്നേറി. ഇന്ന് നടന്ന മത്സരത്തിൽ പോളണ്ടിനെ ഒന്നിനെതിരെ മൂന്ന് ഗോളിന് തോൽപ്പിച്ചാണ് ഫ്രാൻസ് ക്വാർട്ടറിലേക്ക് മുന്നേറിയത്. ജിറൂദും എംബാപ്പെയും ആണ് ഫ്രാൻസിന്റെ ഗോളുകൾ നേടിയത്. എംബപ്പെ രണ്ട് ഗോളും ഒരു അസിസ്റ്റുമായി താരമായി മാറി.

അൽ തുമാമ സ്റ്റേഡിയത്തിൽ നടന്ന മത്സരത്തിൽ ഫ്രാൻസിന്റെ ആധിപത്യം ആണ് തുടക്കം മുതലേ കണ്ടത്. നാലാം മിനുട്ടിൽ ഗ്രീസ്മൻ എടുത്ത കോർണറിൽ നിന്നുള്ള വരാനെയുടെ ഹെഡർ ഫ്രാൻസിന്റെ ആദ്യ ഗോൾ ശ്രമം ആയി മാറി. 13ആം മിനുട്ടിൽ ചൗമനിയുടെ ഷോട്ടിൽ നിന്ന് പോളിഷ് കീപ്പർ ചെസ്നിയുടെ ആദ്യ സേവും വന്നു. 20ആം മിനുട്ടിൽ ഗ്രീസ്മന്റെ ഒരു ഫ്ലിക്കും ചെസ്നി സേവ് ചെയ്തു.

Picsart 22 12 04 22 08 01 097

പോളണ്ടിന്റെ ആദ്യ ഗോൾ ശ്രമം വന്നത് 21ആം മിനുട്ടിൽ ആയിരുന്നു. 20 യാർഡ് അകലെ നിന്നുള്ള ലെവൻഡോസ്കിയുടെ ഷോട്ട് പക്ഷെ ഗോളിൽ നിന്ന് അകലെ പോയി.

ആദ്യ പകുതി അവസാനിക്കാൻ ഒരു മിനുട്ട് മാത്രം ബാക്കി ഇരിക്കെ ഫ്രാൻസിന്റെ ഗോൾ വന്നു. എംബപ്പെയുടെ പാസ് സ്വീകരിച്ച് ഒരു ഇടം കാലൻ സ്ട്രൈക്കിലൂടെ ആണ് ജിറൂഡ് ഫ്രാൻസിന് ലീഡ് നൽകിയത്‌. ഈ ഗോളോടെ ഫ്രാൻസിനായി ഏറ്റവും കൂടുതൽ ഗോളുകൾ നേടുന്ന താരമായി ജിറൂദ് മാറി. അദ്ദേഹത്തിന്റെ 52ആം അന്താരാഷ്ട്ര ഗോളായിരുന്നു ഇത്.

Picsart 22 12 04 22 08 22 263

ഈ ഗോളിന്റെ ആത്മവിശ്വാസത്തിൽ ആണ് ഫ്രാൻസ് രണ്ടാം പകുതി കളിച്ചത്‌. അവർ പലപ്പോഴും രണ്ടാം ഗോളിന് അടുത്തെത്തി‌. 74ആം മിനുട്ടിൽ എംബപ്പെയിലൂടെ ഫ്രാൻസ് രണ്ടാം ഗോൾ കണ്ടെത്തി. ഒരു കൗണ്ടറിന് ഒടുവിൽ ഡെംബലെ നൽകിയ പാസ് സ്വീകരിച്ച് ഒരു പവർ ഫുൾ ഫിനിഷിലൂടെ ആണ് എംബപ്പെ രണ്ടാം ഗോൾ കണ്ടെത്തിയത്‌. എംബപ്പെയുടെ ഈ ലോകകപ്പിലെ നാലാം ഗോളാണിത്‌. ഇഞ്ച്വറി ടൈമിൽ ഇതിനേക്കാൾ നല്ല ഒരു സ്ട്രൈക്കിലൂടെ എംബപ്പെ ഫ്രാൻസിനെ മൂന്നാം ഗോളും ടൂർണമെന്റിലെ തന്റെ അഞ്ചാം ഗോളും നേടി.

രണ്ടാം പകുതിയിൽ കാര്യമായി ഗോൾ ശ്രമം വരെ പോളണ്ടിൽ നിന്ന് ഉണ്ടായില്ല. അവസാന നിമിഷം ഒരു ഹാൻഡ്ബോളിന് റഫറി പെനാൾട്ടി നൽകി. ഇത് ലക്ഷ്യത്തിൽ എത്തിച്ച് ലെവൻഡോസ്കി പോളണ്ടിന്റെ പരാജയ ഭാരം കുറക്കും എന്ന് കരുതി. ലെവയുടെ ആദ്യ പെനാൾട്ടി ലോറിസ് തടഞ്ഞു എങ്കിലും അദ്ദേഹം ഗോൾ ലൈൻ വിട്ടിരുന്നു. ഇതോടെ വീണ്ടും ലെവ പെനാൾട്ടി എടുത്തു. അവരുടെ ആശ്വാസ ഗോളും നേടി.

. ഇംഗ്ലണ്ടും സെനഗലും തമ്മിലുള്ള മത്സരത്തിലെ വിജയികളെ ആകും ഫ്രാൻസ് ഇനി ക്വാർട്ടറിൽ നേരിടുക‌