വനിതാ ഫുട്ബോൾ ലോകകപ്പിൽ ഗ്രൂപ്പ് എഫിൽ നടന്ന മത്സരത്തിൽ ഫ്രാൻസിനെ ജമൈക്ക് സമനിലയിൽ തളച്ചു. ഇരു ടീമുകൾക്കും ഇന്ന് ഗോൾ നേടാൻ ആയില്ല. ഫ്രാൻസിന് ഈ ഫലം വലിയ നിരാശ നൽകും. ഫ്രാൻസ് കൂടുതൽ പന്ത് കൈവശം വെച്ചു എങ്കിലും കൃത്യമായ അവസരങ്ങൾ സൃഷ്ടിക്കുന്നതിൽ ഇന്ന് പരാജയപ്പെട്ടു. കിട്ടിയ അവസരങ്ങൾ അവർ ലക്ഷ്യത്തിൽ എത്തിച്ചുമില്ല.
ജമൈക്ക് മറുവശത്ത് കൗണ്ടർ അറ്റാക്കിലൂടെ നല്ല അവസരങ്ങൾ സൃഷ്ടിച്ചു. പക്ഷെ അവർക്കും ഒരു വിജയം നേടി ഏവരെയും ഞെട്ടിക്കാൻ ആയില്ല. ഗ്രൂപ്പ് എഫിൽ പനാമയും ബ്രസീലും ആണ് മറ്റു ടീമുകൾ. ബ്രസീൽ നാളെ അവരുടെ ആദ്യ മത്സരത്തിൽ പനാമയെ നേരിടും.