ഇന്ത്യൻ പ്രധാനമന്ത്രി മോദി ലോകകപ്പ് സ്വന്തമാക്കിയ അർജന്റീനയെ ട്വിറ്റർ വഴി അഭിനന്ദിച്ചു.
ഏറ്റവും ആവേശകരമായ ഫുട്ബോൾ മത്സരങ്ങളിൽ ഒന്നായി ഈ ഫൈനൽ ഓർമ്മിക്കപ്പെടും എന്നും ഫിഫാ ലോകകപ്പ് ചാമ്പ്യൻമാരായതിന് അർജന്റീനയ്ക്ക് അഭിനന്ദനങ്ങൾ എന്നും മോദി ടീറ്റ് ചെയ്തു. അർജന്റീന ടൂർണമെന്റിലൂടെ ഉജ്ജ്വലമായി കളിച്ചു. അർജന്റീനയുടെയും മെസ്സിയുടെയും ദശലക്ഷക്കണക്കിന് ഇന്ത്യൻ ആരാധകർ ഈ വിജയത്തിൽ ആഹ്ലാദിക്കുന്നു. മോദി എഴുതി.
ഫ്രാൻസ് ടീമിനെ ആശ്വസിപ്പിക്കാനും അദ്ദേഹം മറന്നില്ല. ലോകകപ്പൊകെ ആവേശകരമായ പ്രകടനത്തിന് ഫ്രാൻസിന് അഭിനന്ദനങ്ങൾ എന്നും ഫൈനലിലേക്കുള്ള വഴിയിൽ അവർ തങ്ങളുടെ കഴിവും കായികക്ഷമതയും കൊണ്ട് ഫുട്ബോൾ ആരാധകരെ സന്തോഷിപ്പിച്ചു എന്നും മോദി എഴുതി.