നെതർലന്റ്സുമായി നടന്ന മത്സരത്തിലെ കാര്യങ്ങൾ മറക്കേണ്ടതുണ്ട് എന്ന് അർജന്റീന പരിശീലകൻ ലയണൽ സ്കലോനി. നെതർലൻഡ്‌സുമായുള്ള മത്സരത്തിനിടെ പറഞ്ഞ കാര്യങ്ങളെല്ലാം മറക്കണം. നല്ല മത്സരമായിരുന്നു. അതിന്യ് ശേഷം സംഭവിച്ച കാര്യങ്ങൾ എല്ലാം കഴിഞ്ഞ കഥയാണ്‌. സ്കലോണി പറഞ്ഞു.
ഞങ്ങൾക്കെതിരെ കളിച്ച എല്ലാ എതിരാളികളെയും ഞങ്ങൾ ബഹുമാനിക്കുന്നു. ഞങ്ങൾ അറേബ്യയോട് തോറ്റിരുന്നു. അപ്പോൾ ഞങ്ങൾ നിശബ്ദത പാലിച്ചത് നിങ്ങൾ കണ്ടതാണ്. മാരക്കാനയിൽ ഞങ്ങൾ ബ്രസീലിനെതിരെ വിജയിച്ചു, ആ വിജയത്തിനു ശേഷം മെസ്സിയും നെയ്മറും പരദെസും പരസ്പരം ഹഗ് ചെയ്യുന്ന മനോഹര ദൃശ്യങ്ങൾ എല്ലാവരും കണ്ടതാണ്. സ്കലോണി ഓർമ്മിപ്പിച്ചു.
മറ്റു പല ടീമുകളും ഞങ്ങളെക്കുറിച്ച് സംസാരിക്കുന്നു, പക്ഷേ ഞങ്ങൾ ഒരിക്കലും എതിരാളികളെ കുറിച്ച് മോശമായി സംസാരിക്കില്ല. എതിരാളികളിലും അടുത്ത മത്സരത്തിലും മാത്രമാണ് ഞങ്ങൾ ശ്രദ്ധ കേന്ദ്രീകരിക്കുന്നത്. ഞങ്ങൾ എല്ലായ്പ്പോഴും ചെയ്യുന്നതുപോലെ ഞങ്ങളുടെ ഏറ്റവും മികച്ചത് സെമി ഫൈനലിലും നൽകുമെന്ന് ഞങ്ങൾ പ്രതീക്ഷിക്കുന്നു. സ്കലോനി പറഞ്ഞു.
