Category: FA Cup

മാഞ്ചസ്റ്റർ യുണൈറ്റഡ് ഇന്ന് നടക്കുന്ന എഫ് എ കപ്പ് മത്സരത്തിൽ മികച്ച ഫോമിലുള്ള പോഗ്ബ, ഡിഹിയ മാർഷൽ എന്നിവർ ഇല്ലാതെയാകും ഇറങ്ങുക. ഇന്ന് യെവോളി ടൗണിനെതിരെ ഇറങ്ങുന്ന യുണൈറ്റഡ് എതിരാളികൾ ചെറുതായത് കൊണ്ട് പ്രമുഖ താരങ്ങൾക്ക് വിശ്രമം കൊടുക്കാൻ തീരുമാനിക്കുക ആയിരുന്നു.

പോഗ്ബയും മാർഷലും ഡിഹിയയും ഇന്നത്തെ ട്രാവലിംഗ് സ്ക്വാഡിൽ ഇല്ല. പുതിയ സൈനിംഗ് അലക്സിസ് സാഞ്ചസ് ടീമിനൊപ്പം യെവോളിയിൽ എത്തിയിട്ടുണ്ട്. യുവതാരങ്ങളായ ഏഞ്ചൽ ഗോമസ്, മക്ടോമിനി എന്നിവരും സ്ക്വാഡിനൊപ്പം ഉണ്ട്. പരിക്ക് ഭേദമായി എത്തുന്ന മൈക്കിൾ കാരിക്കും സ്ക്വാഡിൽ ഉണ്ട്‌. ഇന്ന് രാത്രി 1.30നാണ് മത്സരം.

Confirmed Manchester United squad travelling to Yevoil: Romero, Pereira, O’Hara, Smalling, Rojo, Lindelof, Young, Shaw, Darmian, McTominay, Matic, Carrick, Herrera, Gomes, Mata, Lingard, Sanchez, Rashford, Lukaku.

കൂടുതൽ കായിക വാർത്തകൾക്ക് : www.facebook.com/FanportOfficial

കഷ്ടപ്പെട്ട് ചെൽസി എഫ് എ കപ്പ് നാലാം റൗണ്ടിൽ. എക്സ്ട്രാ ടൈമിലേക്ക് നീണ്ട മത്സരത്തിൽ അവസാന മിനുട്ടുകളിൽ 9 പേരായി ചുരുങ്ങിയ ചെൽസി പെനാൽറ്റി ഷൂട്ഔട്ടിലൂടെയാണ് നോർവിച്ചിനെ മറികടന്ന് അടുത്ത റൗണ്ടിലേക്ക് പ്രവേശനം നേടിയത്. ഇരു ടീമുകളും 1-1 ന് പിരിഞ്ഞതോടെയാണ് മത്സരം എക്സ്ട്രാ ടൈമിലേക്ക് നീണ്ടത്. പക്ഷെ പിന്നീടുള്ള 30 മിനുട്ടും ഗോൾ കണ്ടെത്താൻ ഇരു ടീമുകൾക്കും സാധിക്കാതെ വന്നതോടെ മത്സരം പെനാൽറ്റിയിലേക്ക് നീളുകയായിരുന്നു. 5-3 ന് പെനാൽറ്റി സ്വന്തമാക്കി ചെൽസി അടുത്ത റൗണ്ടിലേക്ക് പ്രവേശനം ഉറപ്പാക്കി. ജയിച്ചെങ്കിലും ചെൽസിയുടെ ആക്രമണത്തിലെ പിഴവുകൾ തുറന്നു കാട്ടുന്ന പ്രകടനമായിരുന്നു ഇന്നത്തേത്.

അവസാന ലീഗ് മത്സരം കളിച്ച ടീമിൽ 9 മാറ്റങ്ങളുമായാണ്‌ കോണ്ടേ ചെൽസിയെ സ്റ്റാംഫോഡ് ബ്രിഡ്ജിൽ ഇറക്കിയത്. ബാത്ശുവായി, അമ്പാടു, കെന്നഡി അടക്കമുള്ളവർ ആദ്യ ഇലവനിൽ ഇടം നേടി. ആദ്യ പകുതിയിൽ ചെൽസി മികച്ച അവസരങ്ങൾ സൃഷ്ടിച്ചെങ്കിലും ഗോൾ കണ്ടെത്താനായില്ല. രണ്ടാം പകുതിയിൽ 55 ആം മിനുട്ടിൽ കെനടിയുടെ പാസ്സ് ഗോളാക്കി ബാത്ശുവായി ചെൽസിക്ക് ലീഡ് സമ്മാനിച്ചു. തുടർന്ന് നോർവിച്ചിനും മികച്ച അവസരങ്ങൾ ലഭിച്ചെങ്കിലും ചെൽസിയും മികച്ച പ്രതിരോധം അവർക്ക് തടസമായി. പക്ഷെ ചെൽസി ജയം ഉറപ്പിച്ചു നിൽക്കെ കളി തീരാൻ സെക്കന്റുകൾ ബാക്കിനിൽക്കെ ജെയിംസ് ലെവിസിലൂടെ നോർവിച് സമനില കണ്ടെത്തിയതോടെ മത്സരം എക്സ്ട്രാ ടൈമിലേക്ക് നീണ്ടു. എക്സ്ട്രാ ടൈമിൽ രണ്ടാം പകുതിയിൽ രണ്ടാം മഞ്ഞകാർഡ് കണ്ട് പെഡ്രോയും, തന്നെ ബുക് ചെയ്ത റഫറിയോട് തർകിച്ചതിന് മൊറാത്തയും ചുവപ്പ് കാർഡ് കണ്ട് പുറത്തായി. എക്സ്ട്രാ ടൈമിലും ഇരു ടീമുകളും വിജയ ഗോൾ കണ്ടെത്താൻ പരാജയപ്പെട്ടതോടെ മത്സരം പെനാൽറ്റിയിലേക്ക് നീണ്ടു. നോർവിച്ചിന് ആദ്യ പെനാൽറ്റി പിഴച്ചതോടെ 5 പെനാൽറ്റികളും ഗോളാക്കി ചെൽസി ജയം ഉറപ്പിക്കുകയായിരുന്നു. ന്യൂ കാസിലാണ് അടുത്ത റൗണ്ടിൽ ചെൽസിയുടെ എതിരാളികൾ.

കൂടുതൽ കായിക വാർത്തകൾക്ക് : www.facebook.com/FanportOfficial

എഫ് എ കപ്പ് മൂന്നാം റൗണ്ടിൽ നാണം കെട്ട തോൽവി വഴങ്ങി നിലവിലെ ജേതാക്കളായ ആഴ്സണൽ പുറത്ത്. നോട്ടിങ്ഹാം ഫോറസ്റ്റാണ് ആഴ്സണലിനെ 4-2 ന് തോൽപിച്ചത്. ഈ സീസണിലെ ഏറ്റവും വലിയ അട്ടിമറികളിൽ ഒന്നായി ഇത്. എതിരാളികളെ ചെറുതായി കണ്ട് ദുർബലമായ ടീമിനെ അണിനിരത്തിയ ആർസെൻ വെങ്ങർക്ക് ഏറ്റ തിരിച്ചടികൂടിയായി ഇത്.

എറിക് ലിഷാജിലൂടെ 20 ആം മിനുട്ടിൽ തന്നെ മുന്നിലെത്തി നോട്ടിങ്ഹാം ആഴ്സണലിനെ കരുത്ത് അറിയിച്ചെങ്കിലും അതിൽ നിന്ന് പാഠം ഉൾക്കൊള്ളാൻ ആഴ്സണലിനായില്ല. 23 ആം മിനുട്ടിൽ മേർട്ടസകറിലൂടെ ആഴ്സണൽ സമനില ഗോൾ നേടിയെങ്കിലും 44 ആം മിനുട്ടിൽ ലിഷാജ് വീണ്ടും നോട്ടിങ്ഹാമിനെ മുന്നിലെത്തിച്ചു. രണ്ടാം പകുതിയിൽ ലഭിച്ച പെനാൽറ്റി ഗോളാക്കി നോട്ടിങ്ഹാം ലീഡ് രണ്ടാക്കി. 79 ആം മിനുട്ടിൽ ഡാനി വെൽബക്ക് ആഴ്സണലിനായി ഒരു ഗോൾ തിരിച്ചടിച്ചെങ്കിലും 85 ആം മിനുട്ടിൽ വീണ്ടും പെനാൽറ്റി വഴങ്ങിയ ആഴ്സണൽ തോൽവി വിളിച്ചു വരുത്തുകയായിരുന്നു. കിക്കെടുത്ത നോട്ടിങ്ഹാം കീറൻ ഡോവൽ ഗോളാക്കിയതോടെ സ്കോർ 4-2. നേരത്തെ ടീമിലെ പ്രധാന താരങ്ങൾക്കെല്ലാം വിശ്രമം അനുവദിച്ച വെങ്ങർ യുവ നിരയെയാണ് കളത്തിൽ ഇറക്കിയത്.

കൂടുതൽ കായിക വാർത്തകൾക്ക് : www.facebook.com/FanportOfficial

എഫ് എ കപ്പ് മൂന്നാം റൌണ്ട് മത്സരത്തിൽ ചെൽസിക്ക് സമനില. നോർവിച്ചിനെതിരെ ഗോൾ രഹിത സമനിലയാണ് അവർ വഴങ്ങിയത്. നിരവധി കളിക്കാർക്ക് വിശ്രമം അനുവദിച്ച കൊണ്ടേക്ക് പക്ഷെ വിജയ ഗോൾ കണ്ടെത്താനായില്ല. സമനില വഴങ്ങിയതോടെ ഈ മാസം തന്നെ ചെൽസിക്ക് നോർവിച്ചിന് എതിരെ ഒരു മത്സരം കൂടെ കളിക്കേണ്ടി വരും.

ഹസാർഡ്, ഫാബ്രിഗാസ്, അലോൻസോ, മോസസ് എന്നിവർക്ക് പരിപൂർണ്ണ വിശ്രമം അനുവദിച്ച കോണ്ടേ മൊറാത്തയെ ബെഞ്ചിൽ ഇരുത്തി. ബാത്ശുവായി, ഡേവിഡ് ലൂയിസ് എന്നിവർക്ക് ആദ്യ ഇലവനിൽ ഇടം നൽകിയ ചെൽസി പരിശീലകന് പ്രതിരോധത്തിൽ ആസ്പിലിക്വറ്റകും വിശ്രമം.അനുവദിച്ചു. പ്രധാന താരങ്ങളുടെ അഭാവം ചെൽസിയുടെ പ്രകടനത്തെ കാര്യമായി തന്നെ ബാധിച്ചു. ആദ്യ പകുതിയിൽ അവസരങ്ങൾ സൃഷ്ടിച്ച ചെൽസി രണ്ടാം പകുതിയിൽ മുസോണ്ട, മൊറാത്ത എന്നിവരെ ഇറക്കിയെങ്കിലും ജയം കാണാനായില്ല. ഈ മാസം 16 നോ 17 നോ ഇരു ടീമുകളും വീണ്ടും ഏറ്റുമുട്ടും.

കൂടുതൽ കായിക വാർത്തകൾക്ക് : www.facebook.com/FanportOfficial