വിവാദമായി കൊണ്ടിരിക്കുന്ന യൂറോപ്യൻ സൂപ്പർ ലീഗിനെ കുറിച്ചുള്ള് ചോദ്യങ്ങളിൽ നിന്ന് സിദാൻ ഒഴിഞ്ഞു മാറി. സൂപ്പർ ലീഗിനെ കുറിച്ച് സംസാരിക്കാനില്ല എന്നും സൂപ്പർ ലീഗ് തന്റെ വിഷയമല്ല എന്നും ക്ലബ് പ്രസിഡന്റ് ആണ് ഈ കാര്യത്തിൽ അഭിപ്രായം പറയേണ്ടത് എന്നും സിദാൻ പറഞ്ഞു. റയൽ മാഡ്രിഡ് പ്രസിഡന്റായ പെരസ് ആണ് സൂപ്പർ ലീഗ് ആശയത്തിനു പിറകിൽ.
എല്ലാവർക്കും ഈ വിഷയത്തിൽ അഭിപ്രായം ഉണ്ടാകും എന്നും എന്നാൽ താൻ ഇപ്പോൾ ശ്രദ്ധ കൊടുക്കുന്നത് വരാനുള്ള മത്സരങ്ങളിലും ചാമ്പ്യൻസ് ലീഗിലും ആണെന്നും സിദാൻ പറഞ്ഞു. ലിവർപൂൾ പരിശീലകൻ ക്ലോപ്പ് ഒക്കെ പരസ്യമായി സൂപ്പർ ലീഗിനെ തള്ളുമ്പോൾ ആണ് സിദാൻ മൗനം പാലിക്കുന്നത്.