യൂറോപ്യൻ സൂപ്പർ ലീഗിനെതിരെ കൂടുതൽ താരങ്ങൾ രംഗത്ത്. മാഞ്ചസ്റ്റർ യുണൈറ്റഡ് താരമായ മാർക്കസ് റാഷ്ഫോർഡാണ് പുതുതായി സൂപ്പർ ലീഗിനെതിരെ പ്രതികരിച്ചത്. ട്വിറ്ററിൽ മാറ്റ് ബുസ്ബിയുടെ വാക്കുകൾ പങ്കുവെച്ച് കൊണ്ടായിരുന്നു റാഷ്ഫോർഡിന്റെ പ്രതികരണം. ഫാൻസ് ഇല്ലാതെ ഫുട്ബോൾ ഒന്നുമല്ല എന്ന ബുസ്ബിയുടെ വാക്കുകളാണ് റാഷ്ഫോർഡ് പങ്കുവെച്ചത്. മാഞ്ചസ്റ്റർ യുണൈറ്റഡിന്റെ ഇതിഹാസ പരിശീലകൻ ആണ് ബുസ്ബി.
— Marcus Rashford (@MarcusRashford) April 20, 2021
ആരാധകർ മുഴുവനായും സൂപ്പർ ലീഗ് നീക്കത്തെ എതിർക്കുന്ന സാഹചര്യത്തിലാണ് റാഷ്ഫോർഡിന്റെ പ്രതികരണം. ഒരു മണിക്കൂറിനകം തന്നെ റാഷ്ഫോർഡിന്റെ പ്രതികരണം ട്വിറ്ററിൽ അര ലക്ഷത്തിലധികം റീട്വീറ്റുകൾ നേടി. നേരത്തെ തന്നെ പല വിഷയങ്ങളിലും ജനങ്ങളുടെ പക്ഷം പിടിച്ച് പ്രതികരിച്ചിട്ടുള്ള താരമാണ് റാഷ്ഫോർഡ്. റാഷ്ഫോർഡ് മാത്രമല്ല ബ്രൂണൊ ഫെർണാണ്ടസും നേരത്തെ സൂപ്പർ ലീഗിന് എതിരെ പ്രതികരിച്ചിരുന്നു.
