യൂറോപ്പ ലീഗിന്റെ സെമിയിൽ കടന്ന് ആർബി ലെപ്സിഗ്. ഇറ്റാലിയൻ ടീമായ അറ്റലാന്റയെ തകർത്താണ് ലെപ്സിഗ് യൂറോപ്പ ലീഗിന്റെ സെമിയിൽ എത്തിയത്. 3-1ന്റെ അഗ്രഗേറ്റ് വിജയമാണ് ലെപ്സിഗ് നേടിയത്. ഇന്ന് എതിരില്ലാത്ത രണ്ട് ഗോളുകൾക്കായിരുന്നു ലെപ്സിഗ് അറ്റലാന്റയെ പരാജയപ്പെടുത്തിയത്.
ജർമ്മൻ ടീമിന് വേണ്ടി ഇരട്ട ഗോളുകൾ നേടിയത് ക്രിസ്റ്റഫർ ങ്കുങ്കുവാണ്‌. ആദ്യ പാദ മത്സരത്തിൽ 1-1ന്റെ സമനില വഴങ്ങിയെങ്കിലും ഇന്ന് മികച്ച പ്രകടനമാണ് ലെപ്സിഗ് പുറത്തെടുത്തത്. യൂറോപ്പ ലീഗ് സെമിയിൽ വെസ്റ്റ് ഹാമിനെയോ ലിയോണിനെയോ ആവും ലെപ്സിഗ് നേരിടുക.
