ഒബമയാങ് താണ്ഡവം, ആഴ്‌സണൽ യൂറോപ്പ ലീഗ് ഫൈനലിൽ

Photo:Twitter/@Arsenal
- Advertisement -

വലൻസിയയിൽ ഒബമയാങ് താണ്ഡവത്തിൽ വലൻസിയയെ 4-2ന് തോൽപ്പിച്ച് ആഴ്‌സണൽ യൂറോപ്പ ലീഗ് ഫൈനൽ ഉറപ്പിച്ചു. മത്സരത്തിൽ ഹാട്രിക് നേടിയ ഒബമയാങ്ങിന്റെ പ്രകടനമാണ് ആഴ്‌സണൽ വിജയം അനായാസമാക്കിയത്. രണ്ടു പാദങ്ങളിലുമായി 7- 3ന്റെ വമ്പൻ ജയം സ്വന്തമാക്കിയാണ് ആഴ്‌സണൽ ഫൈനൽ ഉറപ്പിച്ചത്. നേരത്തെ ആഴ്‌സണലിന്റെ ഗ്രൗണ്ടിൽ നടന്ന ആദ്യ പാദത്തിൽ ആഴ്‌സണൽ 3-1ന് ജയിച്ചിരുന്നു. ആഴ്സണലിന്റെ നാലാമത്തെ ഗോൾ നേടിയത് ലാകസറ്റേയായിരുന്നു. വലൻസിയയുടെ രണ്ടു ഗോളുകളും ഗമിറോ ആണ് നേടിയത്.

ആദ്യ പകുതിൽ ആഴ്‌സണലിനോട് ഇഞ്ചോടിഞ്ച് പൊരുതിയ വലൻസിയയാണ് ആദ്യ ഗോൾ നേടിയത്.ഗമിറോയിലൂടെയാണ് വലൻസിയ സമനില ഗോൾ നേടിയത്. എന്നാൽ ആദ്യ പകുതിയിൽ തന്നെ ഒബമയാങ് ഗോൾ മടക്കി മത്സരം 1 – 1 സമനിലയിലാക്കി. തുടർന്ന് രണ്ടാം പകുതിയിൽ ലാകസറ്റെയിലൂടെ ആഴ്‌സണൽ രണ്ടാമത്തെ ഗോൾ നേടിയതോടെ ആഴ്‌സണൽ മത്സരത്തിന്റെ നിയന്ത്രണം ഏറ്റെടുക്കുകയായിരുന്നു. രണ്ടാം പകുതിയിൽ മത്സരത്തിൽ തന്റെ രണ്ടാമത്തെ ഗോളിലൂടെ ഗമിറോ വലൻസിയക്ക് സമനില നേടി കൊടുത്തെങ്കിലും രണ്ടു ഗോളുകൾ കൂടി നേടി ഹാട്രിക് തികച്ച് ഒബമയാങ് ആഴ്‌സണലിന്റെ ഫൈനൽ പ്രേവേശനം ഉറപ്പിക്കുകയായിരുന്നു.

യൂറോപ്പ ലീഗ് കിരീടം നേടിയ അടുത്ത സീസണിലെ ചാമ്പ്യൻസ് ലീഗിന് യോഗ്യത നേടാമെന്ന ആഴ്‌സണൽ പ്രതീക്ഷക്ക് കരുത്തേകുന്നതാണ് ഇന്നത്തെ ജയം. ഫൈനലിൽ ആഴ്‌സണൽ ലണ്ടൻ എതിരാളികളായ ചെൽസിയെയാണ് ഫൈനലിൽ നേരിടുക. ചാമ്പ്യൻസ് ലീഗ് ഫൈനലിൽ എത്തിയ ലിവർപൂളിനും ടോട്ടൻഹാമിനും പിന്നാലെ ഈ സീസണിൽ യൂറോപ്യൻ ഫൈനലിൽ എത്തുന്ന മൂന്നാമത്തെ ടീമാണ് ആഴ്‌സണൽ.

Advertisement