യൂറോപ്പ ലീഗിൽ സെവിയ്യക്ക് വമ്പൻ ജയം. എതിരില്ലാത്ത മൂന്നു ഗോളുകൾക്കാണ് എഫ്സി ക്രസ്നോഡറിനെ സെവിയ്യ പരാജയപ്പെടുത്തിയത്. ഇരട്ട ഗോളുകളുമായി എഡറും ഒരു ഗോളുമായി ബനേഗയും സെവിയ്യയുടെ ജയത്തിനു ചുക്കാൻ പിടിച്ചു.
ഈ വിജയത്തോടെ പന്ത്രണ്ടു പോയിന്റുമായി ഗ്രൂപ്പ് ചാമ്പ്യന്മാരായാണ് സെവിയ്യ അടുത്ത ഘട്ടത്തിലേക്ക് കടക്കുന്നത്. രണ്ടാം പകുതിയുടെ തുടക്കത്തിൽ ക്രിസ്റ്റിൻ റാമിറെസ് ചുവപ്പ് കണ്ടു പുറത്ത് പോയത് റഷ്യൻ ക്ലബിന് തിരിച്ചടിയായി. റാമിറെസ് മൂലം ലഭിച്ച പെനാൽറ്റിയാണ് ബനേഗാ ഗോളാക്കി മാറ്റിയത്. ഗ്രൂപ്പ് ജെയിൽ രണ്ടാം സ്ഥാനക്കാരായ എഫ്സി ക്രസ്നോഡറും യോഗ്യത നേടിയിട്ടുണ്ട്.