യൂറോപ്പ ലീഗിലെ ആദ്യ മത്സരത്തിൽ ബയേർ ലെവർകൂസൻ
പൊരുതി ജയിച്ചു. ആവേശോജ്വലമായ മത്സരത്തിൽ ബൾഗേറിയൻ ക്ലബായ PFC ലുഡോഗ്‌റേറ്റ്സ് റാസ്‌ഗ്രേഡിനെയാണ് ലെവർകൂസൻ പരാജയപ്പെടുത്തിയത്. രണ്ടിനെതിരെ മൂന്ന് ഗോളുകൾക്കാണ് ജർമ്മൻ ടീമിന്റെ വിജയം. മികച്ച പ്രകടനവുമായി ലെവർകൂസന്റെ വണ്ടർ കിഡ് കൈ ഹാവെട്സ് ചരിത്രമെഴുതിയ മത്സരത്തിൽ പിന്നിൽ നിന്നും പൊരുതിയാണ് ബയേർ ലെവർകൂസൻ ജയം പിടിച്ചെടുത്തത്.
എട്ടാം മിനുട്ടിൽ ക്‌ളൗഡിയോ കേസേരുവിന്റെ ഗോളിൽ PFC ലുഡോഗ്‌റേറ്റ്സ് റാസ്‌ഗ്രേഡ് ലീഡ് നേടി. മാഴ്‌സെല്ലോ ഡി കോസ്റ്റയിലൂടെ മുപ്പത്തിയൊന്നാം മിനുട്ടിൽ അവർ ലീഡുയർത്തി. യുവതാരം കൈ ഹാവെട്സ് ഏഴുമിനുട്ടിനു ശേഷം ലെവർകൂസന്റെ ആദ്യ ഗോളടിച്ചു. രണ്ടാം പകുതി ലെവർകൂസന്റെ ആധിപത്യം പ്രകടമായിരുന്നു. ലെവർകൂസന് വേണ്ടി കൈസ് തെലിൻ ആദ്യ ഗോളും നേടി. ഇന്നത്തെ മികച്ച പ്രകടനത്തിലൂടെ പത്തോൻപത് കാരനായ കൈ ഹാവെട്സ് യൂറോപ്പിൽ തന്റെ വരവറിയിച്ചു.
