വിജയത്തോടു കൂടി ഈ സീസണിലെ യൂറോപ്പ കാമ്പെയിൻ ആഴ്‌സണൽ തുടങ്ങി. ഉക്രേനിയൻ ക്ലബായ എഫ്‌സി വോർസ്ക്ല പോളിറ്റവയെ രണ്ടിനെതിരെ നാല് ഗോളുകൾക്ക് പരാജയപ്പെടുത്തിയാണ് ആഴ്‌സണൽ വിജയം സ്വന്തമാക്കിയത്. സൂപ്പർ താരം ഓബ്‌മയങ്ങിന്റെ ഇരട്ട ഗോളുകളാണ്ഗണ്ണേഴ്‌സിന്റെ വിജയത്തിന്റെ ചുക്കാൻ പിടിച്ചത്. ഡാനി വെൽബാക്കും മെസ്യൂട് ഓസിലും ആഴ്സണലിന് വേണ്ടി ഗോളടിച്ചു. ചെസ്നകോവ്, ഷാർപ്പർ എന്നിവരാണ് എഫ്‌സി വോർസ്ക്ല പോളിറ്റവയ്ക്ക് വേണ്ടി ഗോളടിച്ചത്.
ഗണ്ണേഴ്‌സിന്റെ കോച്ച് ഉനായ് എംരെയുടെ യൂറോപ്പയിലെ മികച്ച ട്രാക്ക് റെക്കോർഡ് ഇത്തവണയും ആഴ്സണലിന് തുണയാകുമെന്നാണ് കരുതുന്നത്. പക്ഷേ പ്രതിരോധത്തിലെ പാളിച്ചകൾ ഇത്തവണയും ആഴ്സണലിന് തലവേദനയാണ്. ഈ സീസണിൽ ഇതുവരെ ക്ലീൻ ഷീറ്റ് സ്വന്തമാക്കാൻ ആഴ്സണലിന് സാധിച്ചിട്ടില്ല.
