യൂറോ കപ്പിൽ ഗ്രൂപ്പ് എയിൽ സ്വിസർലന്റും ആയുള്ള കഴിഞ്ഞ മത്സരത്തിൽ പരിക്കേറ്റു പുറത്ത് പോയ സ്കോട്ടിഷ് പ്രതിരോധതാരം കിയരൺ ടിയേർണി ഇനി യൂറോ കപ്പിൽ കളിക്കില്ല. സ്ട്രക്ചറിൽ കളം വിട്ട 27 കാരനായ താരം സ്കോട്ട്ലന്റ് ക്യാമ്പ് വിട്ടു. താരം നിലവിൽ തന്റെ ക്ലബ് ആയ ആഴ്സണലിലേക്ക് മടങ്ങി. താരത്തിന്റെ പരിക്ക് ആഴ്സണൽ പരിശോധിക്കും. പലപ്പോഴും പരിക്ക് അലട്ടുന്ന ടിയേർണിയുടെ അഭാവം സ്കോട്ടിഷ് ടീമിനും തിരിച്ചടിയാണ്.
നിലവിൽ ഹംഗറിയും ആയുള്ള മത്സരം ബാക്കിയുള്ള അവർ ഗ്രൂപ്പിൽ മൂന്നാം സ്ഥാനത്ത് ആണ്. മികച്ച മൂന്നാം സ്ഥാനക്കാർ ആയെങ്കിലും അടുത്ത റൗണ്ട് കടക്കാൻ സ്കോട്ടിഷ് ടീമിന് ഹംഗറിക്ക് എതിരെ ജയിക്കണം. അതേസമയം കഴിഞ്ഞ സീസണിൽ ലോണിൽ റയൽ സോസിദാഡിൽ കളിച്ച രണ്ടു വർഷത്തെ കരാർ ബാക്കിയുള്ള ആഴ്സണലിൽ ബാക്കിയുള്ള ടിയേർണിയുടെ പരിക്ക് ആഴ്സണലിന് തിരിച്ചടിയാണ്. താരത്തെ വിൽക്കാൻ ഒരുങ്ങുന്ന ആഴ്സണലിന് നിലവിലെ സാഹചര്യത്തിൽ താരത്തെ വിൽക്കുക വലിയ ബുദ്ധിമുട്ട് ആവും.