ക്വാർട്ടർ ഫൈനൽ ഉറപ്പിച്ച ഫ്രാൻസിന് ക്വാർട്ടർ പോരാട്ടത്തിൽ അഡ്രിയൻ റാബിയോയുടെ സേവനം നഷ്ടമാകും. ബെൽജിയത്തിന് എതിരായ പ്രീക്വാർട്ടറിൽ മഞ്ഞക്കാർഡ് വാങ്ങിയതാണ് 29കാരന് തിരിച്ചടിയായത്. ഇന്നലെ മഞ്ഞക്കാർഡ് കിട്ടിയാൽ സസ്പെൻഷ് കിട്ടും എന്ന ഭീഷണിയിൽ ആയിരുന്നു റാബിയോ ഇറങ്ങിയത്.
കൈലിയൻ എംബാപ്പെയും ഒസ്മാൻ ഡെംബെലെയും ഇതേ സസ്പെൻഷൻ ഭീഷണിയിൽ ആയിരുന്നു എങ്കിലും അവർ മഞ്ഞക്കാർഡ് സമ്പാദിച്ചില്ല. പോളണ്ടിനെതിരായ ഫ്രാൻസിൻ്റെ ഗ്രൂപ്പ്-സ്റ്റേജ് മത്സരത്തിൻ്റെ ആദ്യ പകുതിയിൽ ആയിരുന്നു റാബിയോ ഇതിനു മുമ്പ് മഞ്ഞക്കാർഡ് വാങ്ങിയത്. ഇന്നലെ ജെറമി ഡോക്കുവിനെതിരെയുള്ള അദ്ദേഹത്തിൻ്റെ റാഷ് ചലഞ്ച് ആണ് മഞ്ഞ കാർഡിൽ കലാശിച്ചത്.