ഫുട്ബാൾ കളിക്കുന്ന കലാത്തോളം രാജ്യത്തിനായി കളിക്കുമെന്ന് വെയ്ൽസ് താരം ഗാരെത് ബെയ്ൽ. കഴിഞ്ഞ ദിവസം ഡെന്മാർക്കിനോട് തോറ്റ് വെയ്ൽസ് യൂറോ കപ്പിൽ നിന്ന് പുറത്ത്പോയിരുന്നു. തുടർന്ന് മത്സര ശേഷം വെയ്ൽസിൽ തന്റെ ഭാവിയെ പറ്റി പത്രപ്രവത്തകർ ചോദിച്ചപ്പോൾ ഗാരെത് ബെയ്ൽ പ്രതികരിക്കാതെ പോവുകയും ചെയ്തിരുന്നു.
ഇതിന് ശേഷമാണ് പ്രതികരണവുമായി ബെയ്ൽ രംഗത്തെത്തിയത്. താൻ ഫുട്ബോൾ കളിക്കുന്ന കാലത്തോളം വെയ്ൽസിന് വേണ്ടി കളിക്കുമെന്ന് താരം പറഞ്ഞു. തനിക്ക് ഇനിയും കളിക്കണമെന്നും വെയ്ൽസിനായി കളിക്കാൻ താൻ ഒരുപാട് ആഗ്രഹിക്കുന്നുണ്ടെന്നും ഗാരെത് ബെയ്ൽ പറഞ്ഞു. നേരത്തെ യൂറോ കപ്പിന് മുൻപ് യൂറോ കപ്പ് അവസാനിച്ചതിന് ശേഷം തന്റെ ഭാവിയെ പറ്റി പറയുമെന്നും ഗാരെത് ബെയ്ൽ പറഞ്ഞിരുന്നു.